Eudosio Álvarez será o novo concelleiro de Patrimonio Histórico en substitución de Elena Maure, segundo anunciou este mércores o tenente de alcalde, Santi Domínguez. Nunha comparecencia conxunta, o tenente de alcalde indicou que esta decisión do grupo municipal do BNG, foi ratificada onte polo Consello Local e comunicada a primeira hora de hoxe ao alcalde da cidade.
O tenente de alcalde, Santi Domínguez, defendeu este mércores a especialización da hostelería e do sector servizos no acto inaugural do Campionato de Galicia de Xefes de Sala, que se celebra hoxe no IES Manuel Antonio.
O tenente de alcalde, Santi Domínguez, destacou este martes que a Tenencia de Alcaldía e a Concellería de Turismo retomarán o traballo que viñan desempeñando coa Fundación Provigo para establecer novas liñas aéreas en Peinador. Así o explicou o concelleiro tras a xuntanza que mantivo co novo xerente da Fundación, José Francisco Armesto, aínda que ambos puntualizaron que este obxectivo depende do respaldo da Xunta, polo que sinalaron que cando o novo goberno autonómico "estea asentado" é preciso reiniciar as conversas.
O centro educativo Escolas Nieto vén de gañar o Premio Reconquista, que galardoa aos mellores traballos escolares sobre a efeméride histórica que este ano cumpre douscentos anos. Máis de vinte alumnos deste colexio, acompañados polos seus profesores, disfrutarán dunha viaxe a París, ao acadar o primeiro premio do certame, segundo o fallo do xurado.
O tenente de alcalde, Santi Domínguez, asegurou este xoves que a Tenencia de Alcaldía e a Concellería de Turismo desenvolverán proxectos conxuntos co Consulado de Dinamarca en Vigo para potenciar a imaxe turística da cidade neste país nórdico. O concelleiro fixo estas declaracións tras a xuntanza que mantivo co cónsul de Dinamarca na cidade, José Antonio de Román.
O tenente de alcalde, Santi Domínguez, e o concelleiro de Deportes, Xabier Alonso, expresaron este martes os seus parabéns a Chano Rodríguez pola concesión da Medalla de Ouro ao Mérito Deportivo por parte do Consejo Superior de Deportes. Tras manter unha xuntanza co deportista, o nacionalista salientou que Chano Rodríguez contará co apoio da Tenencia de Alcaldía e a Concellería de Deportes de cara ás vindeiras Olimpiadas, que se celebrarán en Londres no 2012.
O tenente de alcalde, Santi Domínguez, anunciou este martes a renovación do convenio coa Federación Veciñal Eduardo Chao, que nesta ocasión ascenderá a 60.000 euros, e que "plantexa outros marcos de colaboración como a promoción da cidade a través de diferentes actividades fóra das nosas fronteiras". O concelleiro así o explicou tras a xuntanza que mantivo coa presidenta da Federación Veciñal, Elena Fernández, quen destacou que a entrevista foi "positiva, moi interesante porque nela se falaron de temas que son moi importantes para a cidade".
O tenente de alcalde, Santi Domínguez, afirmou este mércores que as propostas do Plan de Usos do Porto "están no bo camiño para chegar a consensos". O nacionalista realizou estas declaracións tras a xuntanza que mantivo hoxe co presidente da Autoridade Portuaria de Vigo, Xesús Paz, que cualificou de "moi cordial", e que tivo como obxectivo explicar polo miudo ao tenente de alcalde as liñas xerais do Plan de Usos e do Plan Estratéxico do Porto.
O tenente de alcalde, Santi Domínguez, subliñou hoxe que o Campionato do Mundo de hóckey a patíns é "un proxecto de cidade" e que reportará a Vigo un retorno económico "moi importante", ao asegurar un mínimo de "1.200 persoas só entre participantes, organización e medios de comunicación", pero sen contar aos familiares e compañeiros que acompañan aos deportistas. Por iso pediu "que Vigo se implique no evento" para conseguir que sexa "o mellor Mundial da historia".
O tenente de alcalde, Santi Domínguez, destacou este luns a calidade dos murais concursantes no "Premio Reconquista", no que participaron máis de 600 estudantes de Centros de Educación Secundaria da cidade. Os traballos presentados, un total de dezaoito, poderán visitarse desde mañá nunha sala do museo Verbum-Casa das Palabras ata o vindeiro 24 de abril, no horario de 10.00 a 19.00 horas, de martes a domingo.