venres, 24 mar 2023
Abel Caballero recibiu este venres a cinco axentes que veñen de desenvolver unha actuación policial con perigo para a súa integridade física ao tratarse dunha tentativa de homicidio na que detiveron a catro persoas e na que se interviñeron drogas e atoparon unha gran cantidade de obxectos nunha vivenda, posiblemente subtraídos. O rexedor agradeceu o labor da Policía Local e puxo en valor a profesionalidade e rapidez dos axentes na súa intervención.
luns, 13 mar 2023
Concello e Subdelegación do Goberno subscribiron de novo o protocolo de colaboración entre a Policía Nacional e a Policía Local no marco do programa de Seguimento Integral das Vítimas de Violencia de Género. Unha vez máis, o alcalde avogou por seguir coa “total cooperación” entre estes corpos de seguridade, “somos un referente que se usa de exemplo en moitos puntos de España”.
xoves, 9 mar 2023
Dez novos oficiais de Policía Local súmanse aos 46 axentes que tomaron posesión esta mesma semana. Con esta incorporación, xa son 335 axentes os que forman parte do cadro de persoal.
martes, 7 mar 2023
Abel Caballero dirixiu unhas verbas aos novos policías “que son unha parte importantísima da vertebración da cidade” e trasladoulles “os mellores desexos e parabéns” para a súa tarefa.
luns, 27 feb 2023
O alcalde recibiu esta mañá na Alcaldía a Alfonso Parde Santayana, novo xefe da Brigada Galicia VII quen chegou acompañado por Pablo Ponce de León, xefe de protocolo da Brilat. No transcurso do encontro, ademais de darlle a benvida ao seu cargo, pasaron revista a diferentes cuestións relacionadas coa seguridade de Vigo.
xoves, 23 feb 2023
Completa así o corredor mecánico en dous tramos entre Travesía e Aragón, o que supón un investimento na zona de 1.592.000 euros. O alcalde tamén lembrou que o Concello está a avanzar na tramitación para a instalación doutro elemento mecánico entre Travesía e a Finca Matías.
mércores, 1 feb 2023
O rexedor acudiu á recepción das Súas Maxestades os Reis de España na Comisión para a celebración do Bicentenario da Policía Nacional celebrada no Palacio da Zarzuela. Para Caballero a seguridade é un eido fundamental “para facer cidades onde se poida vivir e facilitar a convivencia”.
martes, 24 xan 2023
O Concello comeza as obras do novo parque de bombeiros que estará situado en Tomás Alonso. O investimento é de case 3 millóns de euros e o novo emprazamento para os bombeiros estará rematado no prazo dun ano. “É un edificio 5.0”, dixo Caballero en rolda de prensa.
luns, 23 xan 2023
Utilizarase o novidoso método dos “dentes de dragón”, que como sinalou Abel Caballero “son marcas viais que dan sensación de gran estreitamento, forzando a diminución da velocidade”.
martes, 20 dec 2022
O Concello rexistrou un centenar de incidencias nas últimas 48 horas debido as choivas e ventos fortes rexistrados na cidade. O tráfico está limitado na zona de Balaídos, con limitacións nos accesos desde Pablo Iglesias e Manuel Castro.
