Abel Caballero recibiu aos axentes que participaron nunha actuación da rúa Tranvía. O rexedor felicitou aos dous membros da Policía Local polo bo servizo realizado e por prestar atención sempre ás demandas da cidadanía. A concelleira de Seguridade, Patricia Rodríguez, estivo presente na recepción e tamén louvou o traballo do Corpo de Policía
O alcalde vén de trasladar o pésame á familia e amizades do bombeiro que perdeu a vida este sábado nun accidente laboral ao derrubarse parte da cuberta no exterior do edificio no que se atopaba prestando servizo. A cidade estará de loito oficial este sábado e mañá domingo e as bandeiras ondearán a media hasta en sinal de dor polo pasamento deste traballador municipal. O Concello amosa o seu recoñecemento a todo o corpo de bombeiros de Vigo polo labor que desenvolven cada día. O alcalde e o goberno municipal suspenden este sábado a súa axenda pública.
Abel Caballero recibiu na Alcaldía aos novos xefes da Policía Nacional. O alcalde e os comisarios mantiveron unha xuntanza cordial na que abordaron distintas cuestións relativas á seguridade na cidade. Deste xeito, José Antonio Tendero ocupa o cargo de xefe de Operacións, Alejandro Pedro Arnay é o xefe da Brigada Local da Policía Xudicial e Manuel Díaz-Faes como novo xefe da Brigada Local de Seguridade Cidadá. Na xuntanza tamén estivo presente a concelleira de Seguridade, Patricia Rodríguez Calviño.
A Xunta de Goberno Local deu luz verde ás bases xerais e específicas reguladoras da convocatoria dos procesos selectivos de 2020 a 2022 coas que se cubrirán 214 prazas vacantes.
Abel Caballero entregou as divisas aos 18 homes e 3 mulleres que toman posesión como funcionarios de carreira logo de finalizar o período de prácticas de xeito satisfactorio e despois de ter aprobada a oposición.
“É a nosa homenaxe á celebración de 200 anos de existencia da Policía Nacional, unha institución imprescindible na cidade”, apuntou o rexedor. Desde este venres, 12 de xaneiro, e ata o domingo día 14, as fontes de Aragón tinguiranse de azul para conmemorar este aniversario. Amais, a pantalla situada no farol de Urzáiz, empregada con motivo do Nadal, estará proxectando o emblema da Policía Nacional ata que se apague porque “queremos que estea alí, no corazón da cidade. É o noso recoñecemento polos douscentos anos e o seu extraordinario traballo en Vigo”.
O Ministerio de Economía, Comercio e Empresa recoñeceu o traballo do Concello polas actuacións de renovación urbana comercial. O alcalde amosou a súa satisfacción pola Mención Honorífica por parte do Goberno de España pola potenciación do comercio e mercados “coa atracción de millóns de visitantes durante o Nadal”. Con motivo destas festas, o goberno local vén de aprobar a ampliación do horario comercial nos servizos de restauración, hostalería e ocio a madrugada do 1 e 6 de xaneiro.
Abel Caballero mantivo un encontro este mércores cos 21 novos axentes que se incorporan á Policía Local no seu período de práctica profesional. O rexedor trasladoulles o seu “apoio e confianza no papel de acción e formación” que van desenvolver e recoñeceu a complexidade do seu traballo, unha tarefa que valora a cidadanía, sinalou, e que contribúe á “vertebración e cohesión de Vigo. Ides facer unha tarefa moi importante”.
Abel Caballero participou este venres na apertura das II Xornadas Saudepol de promoción da saúde mental e de prevención do suicidios entre os integrantes das Forzas e Corpos de Seguridade e Emerxencias, que se celebran na Comisaría de Vigo-Redondela. Na súa intervención, o rexedor abordou a necesidade de aprender a “compartir a carga de tensión” asociada á responsabilidade do labor que desenvolven os axentes especialmente nos momentos complexos.
Abel Caballero recibiu este venres a cinco axentes que veñen de desenvolver unha actuación policial con perigo para a súa integridade física ao tratarse dunha tentativa de homicidio na que detiveron a catro persoas e na que se interviñeron drogas e atoparon unha gran cantidade de obxectos nunha vivenda, posiblemente subtraídos. O rexedor agradeceu o labor da Policía Local e puxo en valor a profesionalidade e rapidez dos axentes na súa intervención.