luns, 5 out 2009
El teniente alcalde y presidente del Consorcio del Casco Viejo, Santi Domínguez, anunció este lunes que esta entidad destinó 80.000 euros, en colaboración con la Concejalía de Patrimonio Histórico, a diversas actuaciones de rehabilitación de la Casa de la Caridad. Tras la entrega de la resolución del acuerdo formal de la subvención a la representante de la Fundación Casa de la Caridad, el concejal explicó que las obras que se están ejecutando contemplan actuaciones en las cubiertas para acabar con los problemas de goteras, así como la remodelación del patio exterior y la rehabilitación de medianeras.
xoves, 1 out 2009
O tenente de alcalde e concelleiro de Cascos Históricos, Santi Domínguez, presentou este xoves un proxecto de transporte público para o Casco Vello, integrado por tres microbuses eléctricos accesibles para as persoas con mobilidade reducida e que permitirá a transversalidade no Casco Vello dada a súa "gran capacidade de xiro e de superar fortes pendentes". Na presentación do proxecto, na que tamén participou o concelleiro de Patrimonio Histórico, Eudosio Álvarez, o nacionalista afirmou que este proxecto será presentado na convocatoria do Plan E para 2010 de xeito que, se é aprobado, podería poñerse en marcha no primeiro semestre do vindeiro ano.
mércores, 23 set 2009
O tenente de alcalde, Santi Domínguez, anunciou este mércores que está a piques de pecharse a adquisición da emblemática Casa do Patín no marco da rehabilitación do barrio de Bouzas. O concelleiro avanzouno no trancurso dunha visita que realizou a dúas das vivendas ubicadas na praza de Diego Santos e na rúa Ferreiros que contan cun proxecto de rehabilitación, e na que tamén participou o concelleiro de Patrimonio Histórico, Eudosio Álvarez.
martes, 15 set 2009
O tenente de alcalde, Santi Domínguez, anunciou este martes que o Museo Liste se integrará no plan museístico vigués co obxectivo de dar a coñecer e popularizar o seu patrimonio etnográfico. Así o manifestou o concelleiro, tras a sinatura hoxe do convenio de colaboración entre Tenencia de Alcaldía, a Concellería de Patrimonio Histórico e a Fundación Liste, que ascende a 96.000 euros.<br />
<br />
mércores, 9 set 2009
O concelleiro de Patrimonio Histórico, Eudosio Álvarez, salientou este mércores a importancia de potenciar as actividades do Centro de Artesanía Tradicional "dun xeito coordinado co Museo da Cidade" e así se contemplará nos vindeiros orzamentos. Na presentación dos cursos programados polo CAT para o segundo semestre de 2009, o edil asegurou que dende Patrimonio Histórico se quere "impulsar as actividades artesáns da cidade tendo en conta, non só a cestería, senón toda a artesanía tradicional".
martes, 8 set 2009
A primeira hora da mañá de hoxe foron retiradas todas as plantas de estramonio atopadas nos maceteiros da rúa Teófilo Llorente. A partir de agora farase un seguimento ante a posibilidade de que se produzan novos brotes, xa que todo apunta a que a orixe da súa aparición está na terra empregada para encher os maceteiros.
venres, 4 set 2009
O tenente de alcalde e presidente do Consorcio do Casco Vello, Santi Domínguez, sinalou hoxe que a zona alta do Casco Vello estase a transformar nun novo barrio de San Sebastián e puxo o primeiro edificio xa totalmente rehabilitado polo Consorcio como exemplo dos cumpromisos cumpridos. Tras realizar un percorrido pola zona, salientou que nos vindeiros meses serán xa 52 as vivendas rehabilitadas en 10 edificios da parte alta do barrio, de xeito que as actuacións que se están levando a cabo "configurarán un novo barrio dentro do Casco Vello".
xoves, 3 set 2009
O tenente de alcalde, Santi Domínguez, explicou este xoves que a musealización do xacemento arqueolóxico de O Castro prestará especial atención á accesibilidade e contará cunha maqueta tiflolóxica realizada en bronce. Durante a visita que realizou ao xacemento xunto aos concelleiros de Patrimonio Histórico, Eudosio Álvarez, Benestar Social, María Méndez, e Deportes, Xabier Alonso, subliñou que este proxecto mostra unha especial sensibilidade coas personas con deficiencias visuais, xa que tamén contará cun texto en braille que facilitarán a súa interpretación.
xoves, 13 ago 2009
Dado o gran éxito acadado polo programa de visitas teatralizadas ao museo de Castrelos "Misterio no museo", o concelleiro de Patrimonio Histórico, Eudosio Álvarez, anunciou este xoves que no mes de setembro reanudarase esta iniciativa. "Estamos a traballar para que toda a cidadanía poida disfrutar desta proposta e queremos que o programa teña continuidade no vindeiro ano", salientou o concelleiro nacionalista.
mércores, 12 ago 2009
As invitacións para asistir ás visitas teatralizadas "Misterio no museo" os vindeiros días 19, 20 e 21 de agosto, están xa esgotadas, segundo anunciou este mércores o concelleiro de Patrimonio Histórico, Eudosio Álvarez. Ao respecto, o edil do BNG salientou que en só dúas horas, en concreto de 8.30 a 10.30 horas, repartíronse as 150 entradas postas a disposición do público.
