O programa ¿Xogas? en galego podemos leva actividades de dinamización lingüística o venres 30 de maio ás 18:30 á Ludoteca de Lavadores para que os cativos de 4 a 10 anos disfruten dun ambiente de lecer no que poidan expresarse en galego.
Os concelleiros Carmen Corbalán e Amador Fernández asinaron un convenio cos representantes da Federación de asociacións de veciños "Eduardo Chao" para a realización de actividades de compilación de toponimia e patrimonio oral. O orzamento previsto é de 8.045 euros.
A Concellería de Normalización Lingüística prosegue o programa de dinamización destinado a nenos de 4 a 10 anos que celebra o sábado 24 de maio unha xornada de xogos tradicionais ás 12:00 no parque da Bouza (Coia) e ás 18:30 na praza da Independencia con xogos e un obradoiro de pintura.
Os nenos poderán participar nas actividades de ¿Xogas? en galego podemos o venres 23 de maio ás 18:30 na Casa da Xuventude de López Mora co grupo Touporroutou e na Ludoteca de Coruxo con Cabezolos.
O pleno municipal xuvenil no que participou alumnado de centros de secundaria de Vigo acordou adoptar medidas de promoción da lingua galega entre a xuventude e cualificou de sobresaliente a iniciativa de "Noites Vivas".
A "Obertura da frauta encantada", de Mozart, e "O carnaval dos animais", de Saint-Säens, constitúen o programa do concerto didáctico que a Escola municipal de música ofrecerá dentro de ¿Xogas?, en galego podemos o xoves 22 de maio ás 18:30 na Ludoteca de Lavadores.
O programa ¿Xogas?, en galego podemos ofrece un obradoiro de pintura sobre o Principiño, de Antoine de Saint-Exupéry, conmemorativo dos 25 anos de traducción ao galego polo escritor Carlos Casares o domingo 18 de maio ás 12:00 a carón do Museo de Arte Contemporánea con motivo da celebración do Día internacional dos museos.
O grupo Cabezolos amenizará unha xornada de xogos e obradoiros dentro do programa municipal de dinamización lingüística ¿Xogas?, en galego podemos. O venres 16 de maio os nenos de 4 a 10 anos poderán participar nas actividades previstas para as 18:30 na ludoteca de Coruxo.
A praza do Rei foi o punto de partida dos linguatletas do Correlingua 2003, que recollían o testemuño da etapa celebrada o día anterior no Baixo Miño. Máis de 4.000 rapaces de Vigo, Nigrán e O Porriño participaron no percorrido entre o Concello e o parque de Castrelos. O acto de inicio da marcha, conducido polo cantante Xurxo Souto, contou coa presencia da deportista Chus Lago, o escritor Xosé María Álvarez Cáccamo e os concelleiros de Normalización Lingüística, Carme Corbalán e de Xuventude, Santiago Domínguez. O alcalde, Lois Pérez Castrillo, deu a saída aos corredores a prol da lingua.
O programa ¿Xogas?, en galego podemos ofrece un obradoiro de pintura sobre o Principiño, de Antoine de Saint-Exupéry, conmemorativo dos 25 anos de traducción ao galego polo escritor Carlos Casares. A cita será o xoves 15 de maio ás 18:30 a carón do Museo de Arte Contemporánea.