O Servizo de Normalización Lingüística do Concello e a Universidade de Vigo organizan o próximo día 22 unha xornada de sensibilización e información sobre a situación actual, os retos futuros e as dificultades presentes na actualidade respecto da vitalidade da lingua galega en dous sectores clave: o mundo socio-económico e o ámbito da comunicación.
A partir do próximo sábado 12, os nenos e nenas entre 9 e 12 anos poden participar no obradoiro do Servizo de Normalización Lingüística do Concello "O falar non ten cancelas", co que se pretende que aprendan as utilidades da lingua dun xeito divertido.
O Concello e a asociación "Ponte…nas ondas" asinaron un convenio de colaboración na salvagarda, coñecemento e protección do patrimonio inmaterial oral galego-portugués como obra mestra do patrimonio oral da humanidade.
O Servizo de Normalización Lingüística organiza cursos obradoiros de ortografía galega, adaptación normativa e lexislación lingüística. As actividades, de carácter gratuíto, están dirixidas á cidadanía en xeral e celebraranse os meses de setembro e outubro no Edificio Asefal na na Biblioteca Central.
O Servizo de Normalización Lingüística abre o prazo de inscrición para os cursos de galego de carácter gratuíto de iniciación e perfeccionamento.
O Servizo de Normalización Lingüística (SNL) do Concello de Vigo continúa apoiando a través de diversas actividades a candidatura do patrimonio inmaterial galego-portugués a obra mestra da humanidade, distinción que concede a UNESCO.
A alcaldesa, Corina Porro, presidiu na Casa Galega das Artes a xunta constitutiva do Consello Social da Lingua Galega de Vigo. Esta entidade, composta por diversas institucións, colectivos e empresas, pretende contribuír á normalización do galego no noso municipio.
Máis de 3.000 escolares dos centros de ensino de Vigo participaron na 8º etapa da presente edición do Correlingua, baixo o lema "Galego: un bico na lingua". A alcaldesa, Corina Porro, animou os cativos antes da saída da carreira para "que dos vosos labios xurdan palabras que falen de nós".
Baixo o lema de "GALEGO: UN BICO NA LINGUA", máis de 3.000 escolares dos centros de ensino de Vigo e comarca van tomar as rúas da nosa cidade para participaren na 8º etapa da presente edición do Correlingua.
O Concello de Vigo quere sumarse ás celebracións do 17 de maio, Día das Letras Galegas dedicado este ano a Lorenzo Varela, cunha serie de actuacións a través do seu Servizo de Normalización Lingüística, como a proxección de cinema en galego, obradoiros de regueifas, unha carreira a favor do galego e o programa "Ponte nas ondas".