O concelleiro de Normalización Lingüística, Ignacio López Chaves, presentou o programa para este trimestre das actividades de dinamización lingüística que van dende os xogos , a lectura e de escritura creativa.
O Servizo de Normalización Lingüística organiza unha campaña de dinamización lingüística dirixida a nenas e nenos de 6 a 12 anos co lema "Cóntame un conto" e que se desenvolverá as fins de semana de abril e maio en distintos puntos da cidade.
Conservar a microtoponimia das parroquias rurais e semiurbanas de Vigo é o obxectivo dunha iniciativa desenvolvida polo Concello de Vigo e diversas asociacións veciñais coa colaboración da Xunta de Galicia. Os resultados provisionais deste proxecto están á vista nunha exposición de fotografías aéreas do termo municipal que se pode visitar estes días na lonxa do Concello.
O seu regulamento definitivo foi aprobado polo Pleno e publicado no BOP o 31 de xaneiro de 2005. Agora o Consello Social da Lingua Galega de Vigo atópase en trámites de composición para comezar a súa actividade.
O Congreso será un punto de encontro entre os distintos axentes que participan en cada unha das fases da elaboración dunha obra, contará con personalidades da literatura e a traducción e constará de mesas de traballo e charlas didácticas.
O Verbum-Casa das Palabras inaugura a exposición da Asociación Cultural e Pedagóxica Ponte...nas Ondas! "10 anos unidos nas ondas" que conmemora o décimo aniversario da experiencia. A inauguración será o martes, día 4 ás 18 horas e no acto presentarase a Orquestra "Gente que encanta" do Instituto Béradêro chegada do Paraiba-Brasil.
O Verbum acolleu, na mañá do venres, o acto de presentación da proposta de candidatura do Patrimonio Inmaterial Galego_portugués á obra mestra da Unesco, realizada pola Asociación Cultural e Pedagóxica Ponte...nas ondas! de ámbito galego-portugués e integrada por centros educativos das dúas marxes do Miño. A Asociación propón aos gobernos español e portugués que presenten diante da UNESCO a candidatura do Patrimonio Inmaterial galego-portugués como candidatura multinacional avalada polos dous Estados para ser recoñecida como Obra Mestra do Patrimonio Inmaterial.
O Concello de Vigo participa na nova edición de Ciberlingua, un programa de dinamización lingüística destinado á comunidade educativa baseado no coñecemento e difusión do emprego de internet e dos recursos que ofrece en galego. Este ano Ciberlingua tamén programa obradoiros destinados as asociacións de pais e nais e calquera outro tipo de asociación.
A concellería de Normalización Lingüística inicia unha nova edición de ¿Xogas? En galego podemos. O programa desenvolverase do 12 de decembro ao 24 de xaneiro co fin de achegar os nenos ao idioma galego dun xeito divertido e didáctico.