Máis de 3.000 escolares de Vigo participaron no Correlingua 2005
Máis de 3.000 escolares dos centros de ensino de Vigo participaron na 8º etapa da presente edición do Correlingua, baixo o lema "Galego: un bico na lingua". A alcaldesa, Corina Porro, animou os cativos antes da saída da carreira para "que dos vosos labios xurdan palabras que falen de nós".
Corina Porro leu o seu discurso na praza do Rei, diante da "casa de todos os vigueses e viguesas, e que, polo tanto", dixo a alcaldesa, "asume a defensa e a promoción da nosa lingua". Corina Porro, citando a Álvaro Cunqueiro, finalizou pedindo "mil primaveras máis para a nosa lingua".
Despois os escolares partiron en dirección ao parque de Castrelos, onde puideron gozar de actividades específicas a partir das 11 da mañá. Así, para os participantes, que xa levaban camisetas do Correlingua, houbo tamén bebida, froita e diversos agasallos. O acto festivo no parque estivo dirixido polo Caruncho e o grupo de rap "Deus que te criou".Tamén actuou un grupo de alumnos que se chaman "Travelers".
Correlingua é a denominación que adoptaron de maneira común as diversas carreiras en prol do idioma que se convocan no país. É unha proposta de carácter lúdico-educativo que pretende convidar a mocidade e os centros de ensino a participar nun acto público de reivindicación do dereito a medrar en galego e tamén a exercer de maneira efectiva como galegos e galegas a través do uso do noso idioma, única forma de garantir o seu futuro.
Esta actividades está deseñada e organizada pola CIG-Ensino, a Asociación Sócio-Pedagóxica Galega, a Mesa pola Normalización Lingüística , os Equipos de Normalización dos centros escolares así como os concellos de Santiago, Pontevedra, Lugo, Vigo e Narón . Na nosa comarca tamén colaboran os concellos de Moaña, Mos e O Porriño. Este evento ten carácter nacional e como tal vén desenvolvéndose dende hai cinco anos.
O proxecto Correlingua 2005 partiu da cidade da Lugo o día 2 de Maio e continuou polo Salnés, Narón, A Coruña, Burela, Pontevedra e O Baixo-Miño, antes de chegar a Vigo. Proximamente pasará por Santiago, para finalizar o día 13 en Ourense. Personaxes coñecidos como os humoristas "Mofa e Befa" acompañarán o alumnado nesta actividade.
Despois os escolares partiron en dirección ao parque de Castrelos, onde puideron gozar de actividades específicas a partir das 11 da mañá. Así, para os participantes, que xa levaban camisetas do Correlingua, houbo tamén bebida, froita e diversos agasallos. O acto festivo no parque estivo dirixido polo Caruncho e o grupo de rap "Deus que te criou".Tamén actuou un grupo de alumnos que se chaman "Travelers".
Correlingua é a denominación que adoptaron de maneira común as diversas carreiras en prol do idioma que se convocan no país. É unha proposta de carácter lúdico-educativo que pretende convidar a mocidade e os centros de ensino a participar nun acto público de reivindicación do dereito a medrar en galego e tamén a exercer de maneira efectiva como galegos e galegas a través do uso do noso idioma, única forma de garantir o seu futuro.
Esta actividades está deseñada e organizada pola CIG-Ensino, a Asociación Sócio-Pedagóxica Galega, a Mesa pola Normalización Lingüística , os Equipos de Normalización dos centros escolares así como os concellos de Santiago, Pontevedra, Lugo, Vigo e Narón . Na nosa comarca tamén colaboran os concellos de Moaña, Mos e O Porriño. Este evento ten carácter nacional e como tal vén desenvolvéndose dende hai cinco anos.
O proxecto Correlingua 2005 partiu da cidade da Lugo o día 2 de Maio e continuou polo Salnés, Narón, A Coruña, Burela, Pontevedra e O Baixo-Miño, antes de chegar a Vigo. Proximamente pasará por Santiago, para finalizar o día 13 en Ourense. Personaxes coñecidos como os humoristas "Mofa e Befa" acompañarán o alumnado nesta actividade.
