xoves, 31 mar 2016
Os máis pequenos da casa celebraron este xoves a súa particular festa da Reconquista cun desfile polas rúas do Casco Vello, no que participou o alumnado do CEIP Ramón y Cajal, do CPR Niño Jesús de Praga, do Colexio Mercantil, do CEIP Igrexa Candeán, do Colexio Carmelitas e do CEIP Altamar. Para Abel Caballero, a "Reconquistiña", serve para que as nenas e nenos vigueses "aprendan a tradición e gocen da festa", que encherá de actividades a parte vella da cidade durante esta fin de semana con mercado, representacións históricas para rememorar a expulsión dos franceses, música e baile tradicional, espazo infantil e concertos para todos os públicos.
martes, 29 mar 2016
O Concello de Vigo e o Real Club Celta únense na promoción da Festa, que celebra o seu prato forte esta fin de semana do 2 e 3 de abril. Vestidos de época, no cartel figuran os futbolistas Sergio Álvarez e Hugo Mallo, o delegado do primeiro equipo, Vlado Gudelj, e as xogadoras do Celta Baloncesto Ángela Coello e Iria Varela.
mércores, 23 mar 2016
A cidade comeza a conta atrás para a Festa da Reconquista da Vila de Vigo, que tomará as rúas do Casco Vello na primeira fin de semana de abril, os días 2 e 3. Ademais das representacións, a organización programa o tradicional mercado, espazos infantís, música nas rúas e demostracións de artesanía. A mostra "Retallos da nosa historia" xa está aberta, na Casa Galega da Cultura.
luns, 21 mar 2016
Tras ter recibido este luns aos responsables da Confraría, o alcalde de Vigo informou que xa se está traballando na preparación dos actos e da procesión do Cristo, para o que prevén unha "aglomeración masiva de persoas". "Seguiremos apoiando todo o que teña que ver coa procesión", apuntou Caballero; "como é natural, forma xa parte das Festas de Vigo".
mércores, 16 mar 2016
Abel Caballero participou este mércores na entrega dos premios a 32 nenos e nenas de entre 6 e 12 anos, que foron seleccionados entre os traballos dos 2.800 escolares participantes dun total de 29 colexios vigueses. O alumnado traballou sobre a temática "Debuxando o Nadal".
mércores, 16 mar 2016
O alcalde de Vigo achegouse este mércores ao edificio municipal de Areal, onde se presentou, coa presenza do rexedor do municipio coruñés, a XXVI Mostra de Encaixe de Camariñas -que se celebra do 23 ao 27 de marzo, de 11 a 21 horas-. O programa inclúe desfiles, concertos, visitas guiadas e actividades deportivas.
mércores, 9 mar 2016
Xunto ao presidente da Asociación Veciñal Cultural Casco Vello, José Manuel Veiga, Abel Caballero presentou este mércores a imaxe e os actos da Festa da Reconquista 2016, que terá lugar os días 2 e 3 de abril. A organización programa o tradicional mercado, espazos infantís, música nas rúas, demostracións de artesanía e a representación da Reconquista da Vila de Vigo.
venres, 12 feb 2016
Polas previsións metereolóxicas adversas para mañá sábado, 13 de febreiro, o desfile-concurso de comparsas e carrozas terá lugar unha semana despois, segundo anunciou este venres Abel Caballero. O goberno de Vigo pospón a súa celebración para as 18 horas do sábado, 20 de febreiro, cando "a perspectiva climatolóxica parece que non é mala", en verbas do alcalde.
martes, 2 feb 2016
O alcalde, Abel Caballero, e a edil de Festas, Laura Iglesias, presentaron este martes a programación, que celebrará o sábado -se o tempo o permite- o desfile de comparsas e carrozas e contará durante cinco días cos tradicionais merdeiros, animacións de rúa, concurso de disfraces, unha carreira popular, orquestras como a París de Noia e unha ampla oferta para os máis pequenos.
venres, 8 xan 2016
O Concello organiza, coa colaboración da Deputación de Pontevedra, a segunda edición deste festival no que cinco formacións viguesas e outras oito dos municipios da área metropolitana amosarán a súa música e bailes que o alcalde entende como "unha achega cultural moi arraigada no sur da provincia".
