xoves, 5 xan 2017
As Súas Maxestades de Oriente visitaron hoxe o Auditorio Municipal onde saudaron a todas as nenas e nenos, que aproveitaron para lembrarlles as súas peticións. Alí recibiunos o alcalde que dixo terlles contando os nenos de Vigo se portaron moi ben este ano polo que "deben traerlles moitos regalos e xoguetes" e desexoulle á cidadanía que goce da "cabalgata excepcional", que parte ás 18:00 horas do nó de Isaac Peral. Ao remate, Caballero entregaralle a Melchor, Gaspar e Baltasar as chaves da cidade para que poidan entrar nas casas esta noite a deixar os agasallos.
mércores, 4 xan 2017
O alcalde apunta que co festival Vigo quere "manter a tradición" das rondallas, que poñen en valor o folclore tradicional. Organizado e financiado polo Concello coa cooperación da Deputación, comeza este domingo ás 17:00 horas, coa presenza de conxuntos de Vigo, Mos, Porriño, Nigrán e Gondomar.
martes, 3 xan 2017
A Cabalgata de Reis deste xoves contará con 14 carrozas, 8 vehículos, 9 elementos e grupos de animación e comitiva de cabalos e xinetes, baixo a temática "O Mundo Xurásico". Caballero, nunha visita este martes á montaxe das carrozas, revelou que case 500 persoas velarán pola seguridade.
venres, 30 dec 2016
O desfile pola cidade das Súas Maxestades de Oriente cambiará este ano o seu itinerario habitual co fin de evitar as obras que se están realizando na rúa García Barbón. Comeza ás 18:00 da tarde con recepción final na Porta do Sol e reparto de caramelos sen glute e sen azucre.
luns, 26 dec 2016
O alcalde deu a coñecer algunhas das propostas que acolle o Auditorio Mar de Vigo, dende este luns e ata o xoves 5 de xaneiro, para nenos e nenas dende os 0 ata os 12 anos centradas arredor do xurásico e con entrada gratuíta.
venres, 23 dec 2016
O alcalde participou na presentación este venres da décimo cuarta edición de Vigolandia, "un evento tan coñecido na cidade que case non necesita presentación", apuntou, que se celebra do 26 ao 30 de decembro no IFEVI. A iniciativa familiar ten carácter benéfico, cun punto de recollida de alimentos e xoguetes.
xoves, 15 dec 2016
O alcalde vigués achegouse este xoves ao Mercado de Teis para coñecer e felicitar aos alumnos e alumnas dos centros educativos e sociais de Teis que tomaron parte na decoración do Nadal deste ano. Abel Caballero salientou esta "mostra de participación cidadá" nas festas.
xoves, 15 dec 2016
O alcalde informou da previsión de asistencia de arredor de 3.000 motos a este evento solidario, no que se recollerán produtos para o Banco de Alimentos de Vigo, e que sae da rúa Venezuela o sábado ás 16,00 horas da tarde.
venres, 2 dec 2016
Contacontos, concertos, teatro, animación na rúa, a pista de xeo, obradoiros e actividades infantís e para maiores e panxoliñas encherán a cidade durante a época navideña coa Cabalgata de Reis do 5 de xaneiro como acto destacado e co Dinoseto e o mundo xurásico como protagonistas. O acendido das luces será este sábado ás 19:00 horas na Porta do Sol.
xoves, 27 out 2016
A Porta do Sol e o Calvario acollerán o próximo luns día 31 pola tarde obradoiros, contacontos e animación na rúa para os nenos e nenas e un serán para toda a familia. Ademais o Museo Liste desenvolve esta semana actividades infantís. <br />