venres, 22 mai 2020
O rexedor sumouse esta mañá ás opinións dos presidentes das comisións de festas de Bouzas, Coia ou San Roque que lle trasladaron esta mañá nunha reunión virtual a dificultade de organizar estes eventos nestas circunstancias. Con todo, o rexedor comprometeu apoio municipal no caso de que poidan manter unha parte das celebracións relixiosas, tal e como prevén nun principio, pendentes da evolución da situación sanitaria.
venres, 15 mai 2020
O alcalde mantivo este venres un encontro por videoconferencia con responsables da Orquestra Vigo 430 e coa Orquestra Clásica de Vigo no que lles solicitou un programa de actuacións para este verán, en diferentes lugares da cidade, que financiará o goberno municipal.
xoves, 30 abr 2020
Abel Caballero mantivo este xoves unha xuntanza co sector cultural da cidade para planificar a recuperación económica e estudar as posibilidades para organizar unhas festas “diferentes” durante o vindeiro verán.
luns, 9 mar 2020
O Concello de Vigo e a Asociación de Veciños do Casco Vello presentaron este luns o cartel da festa da Reconquista -do 26 ao 29 de marzo-, no seu primeiro ano como evento de Interese Turístico Nacional. A imaxe, a cargo do deseñador vigués Evaristo Pereira, reflicte a “determinación de Vigo”, en verbas de Abel Caballero.
venres, 28 feb 2020
O alcalde de Vigo, Abel Caballero, recibiu este venres unha distinción por parte da Asociación de Hoteles de Vigo (Ahosvi) en recoñecemento ao éxito das festas de Nadal e a alta ocupación turística rexistrada nos meses de decembro e xaneiro. O presidente de Ahosvi, Jaime Pereira, foi o encargado de entregar ao rexedor unha placa conmemorativa no acto celebrado no Hotel Galeones.
mércores, 26 feb 2020
A moción socialista saíu adiante co apoio do concelleiro non adscrito, o voto en contra do PP e a abstención do grupo mixto. O Pleno acordou amais reclamar ao goberno de Feijóo unha partida para apoiar as orquestras sinfónicas e as bandas de música de Vigo e demandou outra partida para voos dende o aeroporto olívico.
luns, 24 feb 2020
O Entroido vigués continúa este luns con obradoiros, animación infantil e chocolatada no MARCO. Para mañá, martes, está previsto o concurso de disfraces, tamén ante o museo, e a queima do Meco na Porta do Sol. O mércores será momento do enterro do Meco
venres, 21 feb 2020
O alcalde informou de que mañá sábado, ás 18 horas, comeza o desfile de comparsas e carrozas desde Isaac Peral con final de percorrido na Porta do Sol onde, ao remate, actúa Ketama en concerto.
martes, 18 feb 2020
O Entroido vigués celebrarase do 21 ao 26 de febreiro con máis de 20 actividades, concertos e actos. O concurso de disfraces e o desfile de comparsas será o sábado 22 ás 18 horas. Soraya actuará o venres despois da entronización do Meco (20:00 horas) e Ketamá sairá ao escenario de Porto do Sol o sábado (21:30 horas).
luns, 17 feb 2020
Abel Caballero fixo este luns o segundo dos anuncios para as festas de verán de 2020 no Auditorio ao Aire Libre de Castrelos. O grupo Amaral actuará o vindeiro 25 de xullo dentro da súa xira “Salto al color”. O alcalde lembrou que xa está confirmada a actuación do músico inglés Sting o 1 de agosto.
