“La Bella y la Bestia” é a “primeira gran actuación infantil” confirmada para Castrelos
O alcalde avanzou este luns que a que adaptación do popular conto francés poderá verse no Auditorio ao aire libre de Castrelos a tarde do 12 de agosto.
O auditorio de Castrelos volverá a acoller nas tardes de verán musicais familiares. Abel Caballero desvelou que a “primeira gran actuación infantil” será “La Bella y la Bestia”, o 12 de agosto. A representación realizada por Barbarie Teatro Musical está dirixida a todos os públicos, cunha duración de 100 minutos.
Trátase dunha adaptación do conto popular francés, no que un príncipe, malia ter todo o que desexaba, era egoísta e consentido. Unha noite, unha bruxa lanzoulle un maleficio e como castigo, condenouno a ser unha besta. Só poderá librarse dese maleficio se conseguía namorarse dunha moza antes de que caia o último pétalo dunha rosa encantada.
Con esta confirmación, o cartel de concertos no Auditorio de Castrelos queda do seguinte xeito:
- Ana Belén – 12 de xullo
- Gente de Zona – 17 de xullo
- Trueno – 18 de xullo
- The Black Keys – 21 de xullo
- Rozalén – 24 de xullo
- Coral Casablanca – 26 de xullo
- Vanesa Martín – 31 de xullo
- Ópera La Traviata – 1 de agosto
- Jason Derulo – 3 de agosto
- Ópera Turandot – 9 de agosto
- La Bella y La Bestia – 12 de agosto
- UB feat. Ali Campbell – 15 de agosto
- India Martínez – 16 de agosto