luns, 4 xan 2016
As trece carrozas e dous autobuses que conforman a comitiva da Cabalgata xa están preparados para desfilar mañá día 5, se as condicións climatolóxicas o permiten. Cunha movilización de 1.200 persoas, das que 500 velarán pola seguridade, o Concello de Vigo ten todo disposto para recibir a Melchor, Gaspar e Baltasar.
martes, 29 dec 2015
Abel Caballero quixo este martes invitar a todos os vigueses e viguesas a achegarse á Praza de América desde as 23 horas do 31 de decembro para celebrar a chegada do novo ano. Con reparto de uvas de balde, o goberno de Vigo, coa colaboración dos comerciantes de Travesas, organiza unha festa na que se agardan entre 5.000 e 10.000 persoas.
martes, 22 dec 2015
Esta mañá, ás 12:00 h, celebrouse no auditorio municipal do Concello o sorteo correspondente ao concurso "Vente cos Reis Magos 2016", que ten por obxecto seleccionar a corenta nenas e nenos para acompañar aos Reis Magos, na Cabalgata de Reis que terá lugar o vindeiro 5 de xaneiro. As nenas e nenos repartiranse nas tres carrozas reais e na do Carteiro Real.
martes, 15 dec 2015
Cayetano Rodríguez, concelleiro de Cultura, e Laura Iglesias, concelleira de festas e turismo, animan ás familias viguesas a gozar das actividades que se desenvolven no IFEVI como un engadido á oferta cultural e de ocio que ofrece a cidade no Nadal. Vigolandia arrinca o sábado 26 e permanecerá aberto ata o 30 de decembro.
luns, 14 dec 2015
O concelleiro de Cultura, Cayetano Rodríguez, e a edil de Festas, Laura Iglesias, presentaron este luns xunto ao responsable de La Fiesta Escénica, Abel Martín, o Circo de Nadal, que por quinto ano consecutivo acolle a cidade de Vigo dentro da programación municipal. O espectáculo, de dúas horas de duración, arranca este venres en Coia co principal atractivo dos osos animatrónicos e artistas internacionais de renome.
venres, 11 dec 2015
VIGO NADAL, que comezou esta semana coa apertura das pistas de xeo e trineos en Samil, oferta concertos, panxoliñas, espectáculos, circo e contacontos en todo Vigo. Ademais, o goberno local organiza o Parque Infantil de Nadal "Illas Cíes", para aprender de forma lúdica a riqueza natural, cultural e histórica do arquipélago vigués
venres, 6 nov 2015
Do 8 ao 29 de novembro, o goberno de Vigo e a Agrupación de Centros Deportivos e Culturais organizan a undécima edición dun evento que achega ás parroquias o traballo dos grupos de teatro afeccionado da cidade. Na presentación este vernes do Certame, a concelleira de Festas, Laura Iglesias, salientou o "éxito de público e participación" das distintas edicións celebradas.
xoves, 29 out 2015
O Concello de Vigo organizará na Porta do Sol o próximo sábado, 31 de outubro, obradoiros infantís do Samaín 2015. Nestes tres obradoiros, os nenos e nenas poderán vaciar e decorar cabazas, caracterizarse de personaxes do Samaín ou realizar móbiles de pantasmas. As actividades comezarán ás 17,30 h, e alongaránse dúas horas.
mércores, 9 set 2015
A recreación do pasado romano da cidade celébrase esta fin de semana do 12 e 13 de setembro cunha festa organizada pola Asociación de Comerciantes de Navia. Abel Caballero presentou este mércores a cuarta edición do evento, que conta co patrocinio do Concello, e no que haberá novidades como a aparición dos castrexos nun programa renovado e cun emprazamento distinto que quere "facer festa e facer cultura".
luns, 10 ago 2015
O ciclo de animación infantil por barrios do programa de Vigo en Festas iniciase hoxe luns no cruce de Colón/Urzaiz ( farola) de 18 a 21 horas. Esta semana tamén haberá concertos das bandas de música na Praza da Princesa ás 20.00 horas.