martes, 2 mar 2004
Actuacións de música clásica, folk e tradicional, títeres , teatro e animación infantil centran a programación do mes de marzo do programa Movevigo que organiza a Federación de Veciños e patrocina a concellería de Festas do Concello de Vigo cunha achega de 24.000 euros. Para realizar este programa asinábase está mañá un convenio de colaboración entre o Concelleiro de Festas, Ignacio López Chaves e a presidenta da Federación de Veciños, Elena González.
xoves, 26 feb 2004
A comparsa do CVC de Valadares "Vicus monumentalis" acadou o primeiro premio do concurso de comparsas do Entroido 2004 que organiza a concellería de Festas e Animación Sociocultural e que se deu a coñecer ó remate do desfile do enterro do MECO co que finalizaban as festas do entroido deste ano. O premio está dotado de 2.400 euros.
luns, 23 feb 2004
As actividades do Entroido programadas pola concellería de Festas e Animación Sociocultural continuan o martes cunha desgustación gratuita de postres típicos da festa e de lacón con chourizo. Esta actividade, que se realiza coa colaboración de Aldeas Infantiles e área comercial Zona Centro ,terá lugar a partir das cinco da tarde na rúa Progreso.
venres, 20 feb 2004
A praza do Rei e o auditorio municipal centran as actividades do Entroido que a Concellería de Festas programa para os mais cativos os días 22,23 e 24 de febreiro.
venres, 20 feb 2004
A Concellería de Festas e Animación Sociocultural e maila Asociación de Comerciantes de Príncipe convocan o Concurso de disfraces do Entroido 2004, que terá lugar o luns, día 23 de febreiro, na rúa do Príncipe (diante do Marco). En previsión de posibles inclemencias metereolóxicas o concurso celebrariase no salón de actos do MARCO.
venres, 20 feb 2004
As cinco da tarde do día 21 arranca o entroido de Vigo coa entronización do Meco que estará instalado na Praza do Rei. Cinco días de divertimento para conmemorar esta festa popular que vai desde o sábado de entroido ata o mércores de cinza e que organiza a Concellería de Festas e Animación Sociocultural, a Federación de Peñas Recreativas El Olivo, Agrupación de Centros deportivos e Culturais e Federación de AA.VV. de Vigo Eduardo Chao.
mércores, 18 feb 2004
Un total de 19 comparsas participarán no desfile do concurso do Entroido 2004 que convoca a Concellería de Festas e Animación Sociocultural e que percorrerá as rúas viguesas. Esta mañá celebrouse no Concello o sorteo da orde do desfile.
martes, 17 feb 2004
Tódolos cidadáns poderán ver dende o 17 de febreiro ata o 12 de marzo as obras que se presentaron este ano ó XVIII Concurso de Carteis do Entroido, organizado pola Concellería de Festas e Animación Sociocultural, a Federación de Vecinos "Eduardo Chao", a Agrupación de Centros Deportivos e Culturais e a Federación de Peñas Recreativas "El Olivo".
venres, 13 feb 2004
O concelleiro de Festas e Animación Sociocultural , Ignacio López Chaves, presentou hoxe a programación das actividades das festas de Entroido que se celebrarán desde o sábado 21 ó mércores 25 de febreiro. As novidades desta edición é a celebración de actividades nos barrios e un concurso de disfraces.
xoves, 12 feb 2004
O próximo luns, día 16 de febreiro, remata o prazo de inscrición para o concurso de comparsas que se celebrará co gallo das festas do entroido que, un ano máis, organiza a concellería de Festas e Animación Sociocultural. As comparsas que concorran terán que participar nos desfiles do día 21 de febreiro, e no enterro do Meco, o 25 de febreiro, e contar cun mínimo de 20 integrantes.
