Un total de 19 comparsas participarán no desfile do concurso do Entroido 2004 que convoca a Concellería de Festas e Animación Sociocultural e que percorrerá as rúas viguesas. Esta mañá celebrouse no Concello o sorteo da orde do desfile.
Tódolos cidadáns poderán ver dende o 17 de febreiro ata o 12 de marzo as obras que se presentaron este ano ó XVIII Concurso de Carteis do Entroido, organizado pola Concellería de Festas e Animación Sociocultural, a Federación de Vecinos "Eduardo Chao", a Agrupación de Centros Deportivos e Culturais e a Federación de Peñas Recreativas "El Olivo".
O concelleiro de Festas e Animación Sociocultural , Ignacio López Chaves, presentou hoxe a programación das actividades das festas de Entroido que se celebrarán desde o sábado 21 ó mércores 25 de febreiro. As novidades desta edición é a celebración de actividades nos barrios e un concurso de disfraces.
O próximo luns, día 16 de febreiro, remata o prazo de inscrición para o concurso de comparsas que se celebrará co gallo das festas do entroido que, un ano máis, organiza a concellería de Festas e Animación Sociocultural. As comparsas que concorran terán que participar nos desfiles do día 21 de febreiro, e no enterro do Meco, o 25 de febreiro, e contar cun mínimo de 20 integrantes.
A Concellería de Festas e Animación Sociocultural do Concello de Vigo convoca o tradicional concurso de comparsas que se realizará dentro do programa de actividades e espectáculos do Entroido 2004. Neste concurso poderán inscribirse todas aquelas comparsas integradas por un mínimo de 20 persoas.
O xurado do "XVIII Concurso de carteis do Entroido", reunido hoxe outorgoulle o premio único, dotado con 2.400 euros ó cartel nº 5, presentado baixo o lema "Viva o Entroido", realizado por Carlos Vela Cuello, residente en Vigo. Ao concurso presentáronse 44 traballos.
A Escola Municipal de Danza organiza un curso de "Forxa Tradicional" co que se pretende dar unha orientación teórica e práctica do oficio do ferreiro. O curso terá lugar os días 7 e 14 de febreiro e forma parte das actividades complementarias da Escola co fin de traballar na recuperación e difusión dos oficios tradicionais de Galicia.
O próximo día 20 remata o prazo para presentar os traballos do XVIII Concurso de Carteis do Entroido.O obxecto deste concurso é seleccionar un cartel para empregar na difusión do programa do ENTROIDO 2004, que organiza a Concellería de Festas e Animación Sociocultural do Concello de Vigo. Neste concurso poderán participar todas as persoas físicas ou xurídicas, e poderán presentar, cada unha delas, cantas obras desexen, coa condición indispensable de seren inéditas.
O próximo día 20 remata o prazo para presentar os traballos do XVIII Concurso de Carteis do Entroido.O obxecto deste concurso é seleccionar un cartel para empregar na difusión do programa do ENTROIDO 2004, que organiza a Concellería de Festas e Animación Sociocultural do Concello de Vigo. Neste concurso poderán participar todas as persoas físicas ou xurídicas, e poderán presentar, cada unha delas, cantas obras desexen, coa condición indispensable de seren inéditas.
Un total de 36 nenos vigueses acompañarán ós Reis Magos de Oriente no seu percorrido pola cidade o vindeiro 5 de xaneiro.