Fallo do "XVIII Concurso de carteis do Entroido"
O xurado do "XVIII Concurso de carteis do Entroido", reunido hoxe outorgoulle o premio único, dotado con 2.400 euros ó cartel nº 5, presentado baixo o lema "Viva o Entroido", realizado por Carlos Vela Cuello, residente en Vigo. Ao concurso presentáronse 44 traballos.
O cartel gañador utilizarase na difusión do programa do "Entroido 2004" que organiza a Concellería de Festas e Animación Sociocultural e que se celebrará do 20 ao 25 de febreiro. O xurado estivo presido polo concelleiro Ignacio López Chaves e formado pola xornalista de Faro de Vigo, Ana Rodríguez; do Atlántico Diario, Laura Sánchez e por Juan Carlos Padín, membro da comisión organizadora do Entroido.
O xurado seleccionou ademais 3 accésits, dotados con 300 euros, cada un deles: "Payaso" de Roberto Arguelles; "Pinta a cara" de Daniel Domeque Rivadulla , e "Tres máscaras" de Ana Isabel Rivas Carballo.