3.000 kilogramos de mexilóns ao vapor e 500 de empanada poderán ser degustados o vindeiro domingo 25 de xullo no parque de Castrelos, dende as 10.30 ás 14.30 horas. O obxectivo destas xornadas gastronómicas, segundo o concelleiro de Festas, Ignacio López-Chaves, é o de promocionar os productos típicos da terra, moi do gusto da xente que ven de fora de Galicia.
O auditorio de Castrelos acolle o primeiro dos concertos que se inclúen dentro do programa das Festas do Cristo da Victoria 2004. O encargado de inaugurar o ciclo de concertos será o grupo Blondie, que actuará a noite do luns ás 23.00 horas. A entrada terá un precio único de 10 euros, sen asento.
O arxentino Popín Magune coa colaboración do chelo cubano Luis Caballero, actuarán o sábado ás 23.00 horas na praza da Estrela. A entrada será libre.
O domingo, o grupo catalán "La Baldufa", será o encargado de poñer o telón de fondo a un ciclo adicado ao cine e que acolleu dende o 12 de xullo un total de sete representacións na praza da Estrela.
O Concelleiro de festas, Ignacio López Chaves, presentou, en rolda de prensa, o IX maratón fotográfico que terá lugar o vindeiro día 18 de xullo. Neste concurso poderán participar todas aquelas persoas que formalicen a súa preinscripción na Agrupación Fotográfica Galega, sita na rúa Uruguai 17, entre as 19 e as 21 horas, ou ben o memo día do maratón no lugar da saída entre as 10 e 11 horas da mañá.
Carlos Núñez, o gaiteiro galego máis universal, ofrecerá o domingo ás 21.30 horas no Auditorio de Castrelos, un espectacular concerto organizado con motivo do Xacobeo 2004. O artista, que cumpre anos ese mesmo día, estará acompañado no escenario por moitos amigos do mundo da música. A entrada será libre.
Unha mistura de humor, acción, cancións, reflexións e utopía a cargo do grupo galego Bucanero que actúa o venres ás 23.00 horas na praza da Estrela. A entrada será libre, coma tódalas actuacións deste V Verán de Teatro.
O auditorio do AVV-CSCR de Beade acollerá o venres un folclore de tintas internacionais ás 21.30 horas. Así, o grupo folclórico nacional "Sayani", da República de Tuva, o conxunto "Kinga", de Mayotte e a Asociación de coros e danzas "Fuente Agria", de Puertollano, Ciudad Real, serán os encargados de dar o pistoletazo de saída á décima edición do Festival Folclórico Internacional, que terá lugar ata o vindeiro 22 de xullo.
O Concelleiro de Festas, Ignacio López Chaves, presentou esta mañá no Concello a décima edición do Festival Folclórico, que terá lugar dende o venres ata o domingo 22 de xullo nas parroquias de Beade, Comesaña, Castrelos, Lavadores e Matamá.
A actuación, a carta dende que comezou o ciclo adicado ó cine, terá lugar ás 23.00 horas na Praza da Estrela e a entrada será libre.