martes, 19 xul 2011
Tras unha reunión co diretor do campus do noroeste da UNED, Abel Caballero anunciou que a apertura do Centro internacional de Vigo está prevista para o segundo cuatrimestre do próximo curso 2011-2012. O primeiro paso será a constitución do Consorcio Universitario, que xa conta coa participación da UNED e do Concello vigués, á falta dunha resposta á invitación cursada á Deputación de Pontevedra e á Xunta de Galicia. Caballero avanzou que invitará a institucións privadas do ámbito económico e social.
Vigo lidera este proxecto, dentro do programa Cultura da Unión Europea
xoves, 30 xuñ 2011
A delegación viguesa, formada por técnicos da Concellería de Educación, Director e mestres da e-Trad e pola Orquestra Sondeseu, desenvolverá diversas sesións de traballo e abrirá o festival Céltica 2011 no val alpino de Aosta.
xoves, 30 xuñ 2011
O alcalde de Vigo clausurou este xoves a XXII Olimpiada Matemática, que celebrouse na cidade desde o pasado 26 de xuño, ante un centenar de persoas aproximadamente. Caballero tamén participou da entrega de premios, previa ao paseo polos xardíns históricos do Pazo Museo Quiñones de León. O evento estivo organizado pola Asociación Galega de Profesores de Educación Matemática e contou coa colaboración da Concellería de Educación.
luns, 27 xuñ 2011
A Xunta de Goberno Local do pasado venres aprobou a modificación do contrato para ampliar o número de prazas dos estudantes de 3º da ESO, chegando ás 290 bolsas, máis as 150 destinadas aos centros concertados. O alcalde recordou que a Escola Oficial de Idiomas recibe outras 70 axudas para estudar idiomas no estranxeiro, totalizando en 2011 510 bolsas de inglés, cun investimento superior a 1,1 millóns de euros.
Trátase dunha actividade complementaria da Escola Municipal de Música de Vigo
venres, 24 xuñ 2011
Promovido pola concellería de Educación pretende formar un grupo de persoas que representen composicións de diversos estilos. Summus Lac busca romper coa perspectiva de coro tradicional creando dinamismo na escena de forma sonora e visual.
xoves, 23 xuñ 2011
A concelleira de Educación, Raquel Díaz, inaugurará o "II Certame de Arte Infantil" mañá venres 24 de xuño ás 17:00 horas. A iniciativa municipal remata o curso cunha mostra dos traballos elaborados neste 2010-2011. Conta coa achega de 850 escolares vigueses que participaron nos certames de Arte Postal, Banda Deseñada e Arte Infantil.
luns, 20 xuñ 2011
Cada verán, a Escola Municipal de Teatro presenta unha nova oferta de cursos monográficos, destinados a todas as persoas interesadas no mundo teatral, que queiran perfeccionar a súa técnica ou ben iniciarse no coñecemento teatral. Do 27 de xuño ata o 15 de xullo desenvolveranse os obradoiros de seguridade escénica, creatividade corporal e creación colectiva na escena.
Ofértanse máis de 500 novas prazas<br />
Inscrición por internet e presencial a partir do 10 de xuño
venres, 10 xuñ 2011
O Concello de Vigo, a través da concellería de Educación, convoca a preinscrición para o vindeiro curso 2011-2011 nas súas Escolas Municipais de Música e Artes escénicas (EMMA). Por vez primeira realízase esta convocatoria de xeito unitario, que supón a oferta de máis de 500 novas prazas dirixidas á toda a cidadanía, nenos e maiores, animando á práctica afeccionada das artes musicais e teatrais, a través da súas ensinanzas e agrupacións.
Participarán máis de 100 xoves músicos e actores
mércores, 8 xuñ 2011
As Escolas Municipais de Música e Artes Escénicas (EMMA), dependentes do Servizo de Educación do Concello de Vigo, participan, por primeira vez de forma conxunta, nun evento solidario que se celebra na carballeira de San Roque da nosa cidade. A Fundación Mayo Rey, que leva o nome dunha das rexións máis deprimidas de África, ao norte de Camerún, organiza unha Romería Solidaria para recadar fondos destinados á construcción de pozos de auga nesa zona. A romería terá lugar os dias 11 e 12 de xuño.
mércores, 8 xuñ 2011
O alcalde de Vigo en funcións, Abel Caballero, entrevistouse hoxe mércores con representantes do profesorado e da ANPA do centro, a petición destes, para darlle a coñecer ao rexedor a decisión autonómica de trasladar a ESO e o Bacharelato do IES Manuel Antonio. Caballero comparte a preocupación do colectivo e solicitará á Xunta de Galicia as razóns da decisión, pois a fórmula coa que operaba ata o momento é "moi enriquecedora" e "positiva".