O Goberno de Vigo impulsa o programa educativo "VigoHistoria 2018: A Reconquista" ata o próximo 6 de abril. Hoxe foi a quenda dun grupo de estudantes de Primaria do Colexio Párroco don Camilo.
Nun acto no Auditorio Mar de Vigo, o alcalde entrega os diplomas acreditativos aos 670 alumnos de ESO que participaron o ano pasado no programa "Vigo en Inglés" do Concello de Vigo. Caballero recordou que este ano as prazas se amplían ata as 750 e o prazo para optar está aberto ata este venres, 23 de marzo.
O alcalde da cidade, Abel Caballero, recibiu este luns na Alcaldía a un grupo de estudantes franceses que toman parte nun programa educativo de intercambio co IES Politécnico de Vigo.<br />
Abel Caballero avanzou esta mañá que en xuño comezarán as obras de cubrición do patio do Rocío, ao tempo que tamén está previsto acometer as do Carballal e as do Canicouva. Deste xeito, o Concello, que xa recibiu 15 peticións, atende unha demanda competencia exclusiva da Xunta de Galicia. <br />
Caballero elevou hoxe martes a 5 millóns o orzamento anual que o Concello adica ao mantemento dos centros públicos de Infantil e Primaria. Seguindo coa infancia, deu conta tamén da prórroga do contrato para o coñecido coloquialmente como servizo de "canguros".
Este venres publicáronse no BOP as bases e convocatoria do programa municipal de estudos no Reino Unido e Irlanda. Informou o alcalde que as solicitudes poden presentarse do 12 ao 23 de marzo, ambos incluidos. O Concello eleva este ano a 750 as vacantes para alumnado de 3º de ESO.
O goberno de Vigo deu luz verde ás bases e convocatoria para adxudicar as 750 vacantes para alumnado de 3º de ESO do programa "Vigo en Inglés" deste ano. Ademais, na tarde deste xoves o alcalde fai entrega das 92 bolsas de estudos que concede o Concello a estudantes da Escola de Idiomas.
O alcalde entregou este xoves no Concello os diplomas e recoñecementos ás nenas e nenos de diferentes centros educativos da cidade que participaron no XI Concurso de Pintura Vigolandia arredor da temática do Nadal. Durante o acto, o rexedor eloxiou a calidade traballos que concorreron ao certame organizado polo IFEVI.
Cunha subvención media do 82% do custo por praza e máis de 1,5 millóns de investimento municipal, o goberno de Vigo inicia o proceso para adxudicar as 620 vacantes para o próximo curso, un "apoio moi importante para as familias", subliñou Caballero. O prazo de renovación e solicitude de praza, aberto do 5 ao 27 de marzo.
O Concello investiu máis de medio millón de euros na construción, ampliación ou mellora dos comedores de dezasete centros educativos da cidade, avanzou esta mañá o rexedor. Unha vez máis, o goberno local suple unha competencia desatendida pola Xunta de Galicia en materia educativa.