mércores, 27 mai 2015
O alcalde avanzou esta mañá a previsión de que a próxima semana se aproben definitivamente as listas de beneficiarios das bolsas de inglés. Este mes de setembro serán 459 estudantes os que gozen dunha estadía no estranxeiro para aprender inglés.
mércores, 13 mai 2015
O vindeiro venres, 15 de maio ás 19:00 h na Biblioteca da Escola Municipal de Artes e Oficios terá lugar a proxección "ISLAS, NÁUFRAGOS INVISIBLES" do fotógrafo Miguel Núñez. Trátase dunha montaxe de imaxe e son, na que se propón unha reflexión sobre o sinxelo que pode ser estar á marxe da sociedade, ou ser invisibles.
martes, 5 mai 2015
O alcalde de Vigo, Abel Caballero, asistíu este martes a primeira das sesións deste evento. Os días 5, 6, 7, 11 e 12 de maio, o Auditorio do Concello, alberga as VI XORNADAS MUNICIPAIS DE TEATRO ESCOLAR, nas que participan 320 actores e actrices noveis pertencentes a 13 centros de educación primaria e aos grupos de nenos/as dos grupos de Expresión Dramática da Escola Municipal de Teatro de Vigo. Estas xornadas posibilitan unha experiencia de participación aberta a toda comunidade educativa: alumnado, profesorado, familias e contorno.
mércores, 29 abr 2015
A comezos da próxima semana o Concello iniciará os traballos de mellora da sede da UNED de Vigo, no Casco Vello, cun orzamento de 45.000 euros. Así informóuno este mércores o alcalde de Vigo, quen apuntou que o obxectivo da reforma é a restauración e posta en valor do inmoble.
xoves, 23 abr 2015
O alcalde de Vigo rubricou na tarde de onte mércores o convenio cos responsables da Federación Olívica de Asociacións de Nais e Pais de Alumnos/as de Vigo, segundo o cal o Concello adica máis de 606.000 euros a financiar actividades formativas e extraescolares e as achegas para libros e comedor. Abel Caballero explicou que o goberno que preside concede 5.000 bolsas de libros e comedor escolar.
xoves, 23 abr 2015
Así o avanzou Abel Caballero este xoves, despois dunha reunión mantida cunha representación de nais dos estudantes aos que lle correspondería a bolsa de inglés municipal do 2013. O rexedor apuntou que este ano viaxarán ao Reino Unido e Irlanda tanto o alumnado da convocatoria de 2015 como o de 2013, un total de 900 beneficiarios.
mércores, 22 abr 2015
Con motivo da celebración do Día Mundial do Teatro, a Escola Municipal de Teatro de Vigo organiza unha mostra de escenas teatrais representadas por alumnos/as da Escola, que terá lugar o xoves 23 de abril , ás 18:30horas, no Auditorio do Concello de Vigo. A entrada será libre e gratuíta ata completar o aforo.
venres, 27 mar 2015
O alcalde deu conta esta mañá da aprobación do programa de Autoxestión de centros educativos, dotado con 288.000 euros para o mantemento ordinario dos colexios. A esta cantidade hai que sumar outros 310.000 euros que o Concello adica a obras de mellora que solicitan os propios centros.
luns, 23 mar 2015
O Concello achegou hoxe a Reconquista aos alumnos de 5º e 6º a través do programa Vigohistoria, unha unidade didáctiva sobre o acontecemento histórico da Reconquista. Tal e como explicou a tenente de alcalde en declaracións aos medios, esta iniciativa está a desenvolverse en 15 centros públicos da cidade.
martes, 17 mar 2015
Despois dunha visita ao colexio Igrexa-Valladares, onde se desenvolve este martes a formación sobre a historia da Reconquista, o alcalde de Vigo, Abel Caballero anunciou a intención do goberno local de continuar coa celebración do programa ata finais de curso, debido á alta demanda do mesmo por parte dos centros escolares.