Abel Caballero recibiu este venres a un grupo de alumnas do colexio Las Acacias que acaban de gañar a fase galega do concurso de robótica e enxeñaría First Lego League para o que desenvolveron un robot. Ademais foron recoñecidas co Global International Award polo seu proxecto científico co que achegan solucións innovadoras para o mundo real e que lle presentaron ao rexedor esta mañá.
O alcalde recibiu hoxe na Praza do Rei ao primeiro colexio partícipe do programa "Vigo no tempo". O alumnado do CEIP Mosteiro Bembrive asistiu á visita guiada polo Casco Vello dirixida polo personaxe do soldado francés Pierre Delapierre, perdido polas rúas de Vigo dende a histórica data de 1809.
O alcalde transmitiu o seu apoio a Manuel Reigosa, reitor da Universidade de Vigo, na súa demanda que non se permita a ruptura do pacto acordado entre as tres universidades galegas do mapa de titulacións, instalando o grao xeneralista de Robótica na Universidade de Santiago e non de Robótica Forestal como se ten acordado.
O prazo para solicitar algunha das 620 prazas en calquera das oito escolas infantís municipais estenderase entre o 11 e o 27 de marzo. Unha vez máis, os requisitos son ter residencia en Vigo e que o neno o nena teña unha idade mínima de tres meses. O Concello adica case 1,5 millóns ao financiamento destes centros educativos.
O alcalde de Vigo, Abel Caballero, presentou este xoves no centro escolar o proxecto de cubrición do patio, para o que o goberno vigués adica 200.000 euros. Acordado coa dirección do colexio, as obras terán lugar este verán, ao remate do curso.
Abel Caballero anunciou que o Concello ofertará este ano 900 prazas para que todo o alumnado de ESO que solicite a súa bolsa poida aprender inglés no Reino Unido e Irlanda.
O alcalde de Vigo saíu en defensa das reivindicacións de Manuel Reigosa tras coñecerse que o campus de Lugo pretende impartir o Grao de Robótica. "Non poden romperse os consensos entre universidades", sinalou.
Abel Caballero presenciou esta mañá o inicio das obras de cubrición do patio do CEIP Canicouva, cun importe de 278.000 euros. En posterior rolda de prensa, o rexedor lembrou que o Concello xa cubriu as zonas de recreo dos colexios Castelao, Carballal e Rocío e comenzará en próximos días coa do García Barbón.
O alcalde anunciou este xoves o envío dunha carta ao goberno de Núñez Feijóo solicitando un instituto para o populoso barrio vigués. Ademais, o goberno de Vigo demanda á Xunta que, mentres constrúe o instituto, o alumnado de Navia poida estudar en centros de Secundaria próximos á zona.
O alcalde deu conta esta mañá da ampliación ata 900 do número de bolsas de idiomas para alumnos de 3º da ESO, unha cifra á que hai que sumar outras cen achegas para alumnos da Escola de idiomas. O Concello aumentará en 340.000 euros a achega para cubrir o aumento de solicitudes de estudantes de Secundaria dado que se rexistraron 962, fronte ás 750 prazas previstas.