Abel Caballero asinou a doazón por parte de Avelino San Luis, anterior responsable do ámbito económico do Concello e que exerceu de xefe de Protocolo. Son 6 tomos que estarán conservados na Escola Municipal de Artes e Oficios.
Segundo informou o alcalde este mércores, a maior parte das peticións segue a chegar por vía telemática pero está dispoñible tamén a atención presencial, en horario de mañá e de tarde, ata o vindeiro 2 de febreiro.
Abel Caballero achegouse esta mañá ao Auditorio Municipal para participar na entrega de diplomas de 35 persoas en risco de exclusión social que veñen de realizar un obradoiro para adquirir habilidades dixitais. O obxectivo é romper a fenda dixital para que ninguén quede atrás no avance tecnolóxico.
O goberno local prevé rematar en febreiro a escola infantil de Praza da Industria que contará con 57 prazas para nenos e nenas de entre 0 a 3 anos. O orzamento é de case 750.000 euros.
Abel Caballero saudou esta mañá ao alumnado do centro educativo Salesianos cos que compartiu unha actuación musical. Aproveitou a visita para felicitar o Nadal a estudantes e profesorado durante un encontro que tivo lugar no salón de actos do colexio.
O goberno local está a executar as obras de cubrición do patio da escola infantil de Vila Laura, sumándose así aos outros sete centros educativos nos que o Concello xa facilitou un tellado ás áreas de recreo do alumnado. O custo do proxecto é de 384.000 euros, un orzamento que tamén permitirá remodelar a pista deportiva.
A Xunta de Goberno Local aprobou este venres as axudas municipais de comedor e material escolar para educación Infantil, Primaria e Secundaria que se aboarán este mes de decembro. As axudas para o comedor ascenden a 3.560, 560 máis que o ano anterior, polo que o Concello incrementará en 250.000 euros a partida destinada a este fin.
Segundo informou o alcalde este mércores, a maior parte das peticións chegou por vía telemática pero está dispoñible tamén a atención presencial, en horario de mañá e de tarde, ata o vindeiro 2 de febreiro.
Desde mañá sábado 3 de decembro ata o 2 de febreiro permanecerá aberto o prazo para solicitar as axudas municipais para libros destinadas a familias con fillos/as en ensino obrigatorio. Cun orzamento total de 5,2 millóns, cada estudante recibirá 205 euros.
O goberno local outorgará este ano 3.560 bolsas de comedor, un 18% máis que o curso pasado. Dado o incremento da demanda, o Concello habilitará un suplemento de orzamentario de 250.000 euros o que elevará a contía final a 1.530.000 euros para financiar axudas de libros e comedor.