O alcalde supervisou esta mañá as obras de remodelación que realizou o Concello no Ceip Escultor Acuña por un importe de case 40.000 euros. Acompañado polo director do centro e o presidente da Anpa, comprobou o estado da reforma da pista deportiva e dos accesos ao interior do recinto educativo.
As escolas deportivas comezarán a funcionar o 22 de novembro, con 5.000 prazas e 36 modalidades deportivas. Nesta ocasión son 56 os clubs participantes e o período de inscrición comeza ao próximo venres, 29 de outubro.
Os segundos fillos están exentos de pago nas escolas infantís municipais tanto na escolarización, como no servizo de comedor. Así o avanzou esta mañá o rexedor nunha intervención na que asegurou, ademais, que o 60% dos alumnos matriculados xa gozan de total gratuidade por razóns de renda.
O goberno municipal vén de recibir a autorización para o proxecto de construción do novo centro educativo para o que solicitará á Xunta de Galicia que achegue os fondos do programa Next Generation que recibiu do Goberno de España.
O Pleno aprobou esta mañá, con ningún voto en contra, unha iniciativa socialista que pretende que a Xunta sufrague os comedores escolares e as aulas matinais que nestes momentos está a financiar o Concello. O edil de Educación, Gorka Gómez, lembrou na súa intervención que se trata dunha competencia exclusiva da Xunta de Galicia que, unha vez máis, desatende as súas obrigas na cidade.
Abel Caballero participou este luns no acto conmemorativo do 30 aniversario da construción do edificio que alberga a Facultade de Económicas da Universidade de Vigo no Campus As Lagoas onde destacou que supuxo un “fito na cidade” e que se erixiu como unha referencia arquitectónica. No acto no que interviñeron o reitor da Universidade, Manuel Reigosa, o arquitecto da obra, Alfonso Penela, o decano de Económicas, Jorge Falagán, e o primeiro decano, Manuel Varela, inaugurouse un mural de MM Puhinger para evocar a data.
O acordo foi proposto polo concelleiro de Educación do goberno de Vigo, Gorka Gómez, e apoiado por todos os corporativos, salvo polos catro do Partido Popular, que se opuxeron. Vigo demanda para este curso o mesmo número de docentes que no 2020-2021 “para garantir os protocolos sanitarios e unha educación de calidade”.
Abel Caballero avanzou esta mañá o interese municipal por retomar o Programa Municipal de Escolas Deportivas en outubro tal e como estaba previsto. Con ese obxectivo, insta á Xunta a adaptar a normativa covid a actual situación epidemiolóxica de forma que se permita a actividade deportiva non federada.
O goberno de Vigo adxudicou este xoves a xestión do programa “Vigo en inglés”, as axudas para que alumnado de Secundaria pase un mes estudando en inmersión no Reino Unido. O Concello enviará o ano que vén a preto de 3.000 estudantes, os da convocatoria de 2022 e tamén os de 2021 e 2020, adiadas pola Covid.
Abel Caballero deu conta esta mañá do nomeamento de 25 conserxes para centros educativos da cidade. Estes profesionais súmanse a outros 20 que xa están a prestar estes servizos en instalacións de ensino. A partida municipal para manter estes traballadores é de 1,5 millóns.