A moción rexistrada polo grupo de goberno demanda do executivo autonómico o financiamento dos 2.338.000 euros que Vigo abona polos seus nove centros de cero a tres anos. Ademais, o Pleno tamén solicitou que o comedor escolar sexa de balde para as familias nas escolas da Xunta, tal e como acontece nas do Concello.
Abel Caballero saudou este venres á comunidade educativa do Colexio Salesiano María Auxiliadora de Vigo que se desprazou á Praza do Rei para amosar o seu rexeitamento ás guerras que teñen lugar en diferentes partes do mundo. Diante duns 900 alumnos do centro, congregados ao redor dunha pancarta co lema “Non ás guerras”, o rexedor condenou, especialmente, a invasión asasina de Putin e trasladou o apoio e solidariedade da cidade ao pobo ucraíno.
O goberno de Vigo aprobou este venres as normas para adxudicar as prazas dos centros municipais de cero a tres anos no próximo curso, coa principal novidade da gratuidade total do servizo, incluíndo o comedor, explicou Caballero. Ademais, o consistorio tamén lanza a convocatoria de subvencións para proxectos sociais.
O Concello investiu 42.561 euros na reforma da pista deportiva e de xogos, un novo aparcamento e o circuíto viario para bicicletas.
O alcalde anunciou este mércores a medida, que entrará en vigor no próximo curso. O Concello asume o custo íntegro, incluíndo os servizos complementarios. Ao respecto, Caballero lamentou que “as da Xunta non serán gratuítas” xa que “as familias terán que pagar o comedor”. Vigo adica anualmente 2.338.000 euros ás municipais e abona outros 205.000 euros para as autonómicas.
O goberno de Vigo aprobou o texto do convenio a asinar co ente provincial, que achegará 180.000 euros ao festival urbano, mentres que o Concello reserva outros 420.000 euros. Por outra banda, a Xunta de Goberno Local validou este xoves o proxecto para cubrir o patio do Villa Laura, cun orzamento de 414.000 euros.
Os alumnos e alumnas encheron de xirasois a palabra paz e interpretaron “Imagine” de John Lennon para reclamar o fin da invasión do Kremlin.
Asegura que unha expropiación de solo ao efecto sen a obriga autonómica de construílo sería anulada. O alcalde recordou este mércores que enviara á Xunta hai dous anos un protocolo de actuación para erixir o centro educativo: “Non quixeron asinalo e seguen sen darnos resposta”.
O alcalde achegouse este xoves ata o centro educativo, que celebra a Reconquista co alumnado, a través da música tradicional. Na visita, e en referencia á guerra en Ucraína, Abel Caballero e os estudantes fixeron un chamamento á paz e á liberdade.
Este mércores continuou no auditorio municipal do Concello o programa “Música coa escola”, iniciado este luns. O alcalde saudou aos 254 nenos e nenas de 5º e 6º de Primaria de seis colexios da cidade que presenciaron o concerto “Caldiño de sons”, da man da Escola municipal de Música de Vigo.