Anuncio de Educación
luns, 19 set 2011
A Escola Municipal de Artes e Oficios vén de realizar a convocatoria de preinscrición para alumnado de novo ingreso no curso 2011-2012. Iniciase o prazo o luns día 19 de setembro, ata o 23 dese mes, poderá facerse tanto a través de internet --accedendo ao formulario de solicitude on line colgado da páxina web do Concello de Vigo www.vigo.org (-Educación-Escola Municipal de Artes e Oficios)--, como presencialmente nas oficinas da EMAO situadas na rúa de Garcia Barbón.Ofértanse 253 prazas de novo ingreso.
martes, 13 set 2011
Abel Caballero acudiu este martes ao aeroporto de Vigo para despedir aos primeiros 96 estudantes que disfrutarán a súa beca de estudos no estranxeiro, dun total de 510 que sufraga este ano o goberno local -440 de Secundaria entre colexios públicos e concertados e outros 70 da Escola Oficial de Idiomas en Vigo-. O investimento do Concello nesta medida de formación ascende este ano a 1.170.000 euros.
luns, 12 set 2011
Abel Caballero visitou este luns o CEIP Canicouva, onde indicou que 40.688 estudantes inician o novo curso escolar na cidade. De cara ao próximo orzamento municipal, o alcalde explicou que incrementarán os recursos económicos para facer fronte ao incremento "prácticamente do dobre" nas solicitudes de bolsas de comedor e de libros. Caballero ratificou "a nosa vocación de impulso á educación e singularmente á educación pública" como "factor de igualdade irrenunciable".
mércores, 7 set 2011
Tal e como informou o alcalde en declaracións aos medios, o Concello de Vigo ten iniciado a redacción dos proxectos para a construcción de catro novas escolas infantís municipais, ubicadas en A Seara, A Doblada, Navia e Lavadores, co obxectivo de acadar o próximo curso unha oferta municipal de 1.000 prazas. Ademais, Caballero esixiu á Xunta de Galicia que amplie os comedores escolares para poder cubrir as 4.257 solicitudes de beca que recibiu o Concello.
martes, 6 set 2011
O alcalde visitou hoxe martes a de Atalaia, en Teis, unha das catro escolas infantís municipais que xa comezaron o curso. Ao longo do presente exercizo escolar tamén entrarán en funcionamento as de Casiano Martínez e Tomás Alonso, "a punto de abrir", e a de Mestres Goldar, sumando outras 260 prazas ás 350 que xa operan. De cara ao próximo curso, o goberno local habilitará outras catro en A Seara, A Doblada, Navia e Lavadores, sumando unha oferta municipal que rondará as 800-850 prazas.
luns, 1 ago 2011
Abel Caballero asinou este luns o convenio anual coa Federación Olívica de Nais e Pais de Alumnos e Alumnas de Vigo e comarca (FOANPAS) pola que o Concello inviste medio millón de euros para actividades e sufragar parte das bolsas de comedor escolar. En total, sumando a parte do departamento municipal de Política do Benestar, o Concello outorgou o último ano 2.000 achegas por 1,2 millóns de euros.
martes, 26 xul 2011
PSOE e BNG instan á Xunta á realizar de xeito inmediato os investimentos que precisan os colexios públicos da nosa cidade. Nunha moción que defendeu a concelleira socialista Raquel Díaz, reclaman á Administración autonómica que acometa as obras necesarias para garantir unhas condicións de escolaridade mínimas esixibles para os nenos e as nenas.
venres, 22 xul 2011
Tras a Xunta de Goberno Local, o alcalde informou da aprobación do convenio con FOANPA, nais e pais de alumnos, polo que o Concello achega 476.000 á entidade para realizar actividades extraescolares e completar as becas de comedor que concede o goberno de Vigo. O importe destinado no orzamento de 2011 ao efecto ascende a uns 800.000 euros, case o triple que catro anos atrás. O alcalde ratificou o seu compromiso de conceder as axudas a todos os escolares que o precisen e cumpran os requisitos.
martes, 19 xul 2011
Tras unha reunión co diretor do campus do noroeste da UNED, Abel Caballero anunciou que a apertura do Centro internacional de Vigo está prevista para o segundo cuatrimestre do próximo curso 2011-2012. O primeiro paso será a constitución do Consorcio Universitario, que xa conta coa participación da UNED e do Concello vigués, á falta dunha resposta á invitación cursada á Deputación de Pontevedra e á Xunta de Galicia. Caballero avanzou que invitará a institucións privadas do ámbito económico e social.
