xoves, 8 out 2015
A II Conferencia Internacional de Enerxías Offshore organizada pola Asociación de Industriales Metalúrgicos de Galicia, ASIME, reuniu no Club Financeiro de Vigo ás principais empresas, organismos e institucións da industria a nivel europeo. No acto de apertura, o rexedor vigués destacou o traballo do sector da enerxía eólica pola súa "capacidade para transmitir tecnoloxía limpa, unha forma de xerar valor engadido e crear emprego e actividade económica".
venres, 28 ago 2015
O alcalde deu conta esta mañá da aprobación das ordenanzas fiscais para o exercicio 2016 con cambios dirixidos a manter "a boa situación económica coa menor presión fiscal de España" mantendo a capacidade de gasto social e de inversión, en verbas do rexedor. O prantexamento é de conxelación real e diminución dalgunhas taxas e prezos públicos, o que supón que a presión fiscal diminúe en termos reais, dixo.
luns, 16 mar 2015
O alcalde anunciou esta mañá que Vigo será o único municipio de Europa sen débeda a partir do mes de xuño. Esta "exemplar" xestión económica é compatible con ser o concello de España que mellor paga a proveedores -xunto con Alicante-, segundo ratifica o propio Ministerio de Facenda.
luns, 24 nov 2014
Abel Caballero deu conta da publicación no BOP da rebaixa de presión fiscal para Vigo no exercicio 2015. Tal e como publica o Boletín Provincial, rebaixaranse nun 1,4% os recibos de IBI, vehículos e lixo, ademais de conxelar todas as taxas e prezos públicos.
xoves, 23 out 2014
Abel Caballero deu conta esta mañá do visto bo definitivo da rebaixa de taxas e e impostos para 2015, dado que non houbo alegacións á aprobación inicial. Deste xeito rebaixanse un 1,4% os recibos de IBI, vehículos e lixo, ademais de conxelar todas as taxas e prezos públicos.
venres, 3 out 2014
Caballero amosou hoxe a súa confianza en que Vigo vai sair fortalecida da crise económica da que xa seu mostras de empezar a abandonar. Na súa intervención nas sextas Xornadas de Provigo, Vigo ante ou seu futuro, o alcalde avanzou a necesidade de que a acción dos gobernos actúe onde está a economía e a industria.
martes, 16 set 2014
Abel Caballero explicou hoxe martes que o Concello apoia a organización de Conxemar con 100.000 euros, "a mesma cantidade que a Xunta e o Goberno de España xuntos". Na mesma rolda de prensa, o rexedor deu conta dunha sentencia favorable ao Concello no conflito coa propietaria de Cordelerías Mar que querían que lles fora entregada unha licenza urbanística sen realizar unhas catas arqueolóxicas que se lle reclamaban.
xoves, 4 set 2014
No segundo trimestre do 2014 o periodo medio de pago do Concello de Vigo foi de 15,63 días, a metade, aproximadamente, do que impón a leí que establece as medidas contra a morosidade. Así o explicou esta mañá a tenente de alcalde e concelleira de Facenda, Carmela Silva, quen engadiu que é o periodo de pago máis baixo desde a entrada en vigor da lei en 2010 "e desde logo, de toda a historia do Goberno local". <br />
mércores, 20 ago 2014
O alcalde de Vigo explicou esta mañá que entre xaneiro de 2013 e xaneiro de 2015 o Imposto de Bens Inmobles experimentará en Vigo unha rebaixa dun 3%. A diminución dun 1,4% que se aplicará no próximo exercicio, hai que sumar a rebaixa en térmos reais experimentada coa conxelación da tarifa aplicada este 2014.
venres, 1 ago 2014
A Xunta de Goberno Local deu luz verde a unha rebaixa fiscal dun 1,4% no IBI, Vehículos e Lixo, unha baixada que á que hai que sumar a conxelación real de todas as taxas e prezos públicos, ademais de elevar nun 2,8 os mínimos exentos. Ista diminución progresiva da presión fiscal na cidade supón que desde xaneiro de 2013, a carga fiscal baixará no 2015 en Vigo un 1,8%, tendo en conta que o IPC foi do 0,4%.
