O Concello apoiará o congreso que Navalia organizará en xullo de 2021, no Auditorio Mar de Vigo. En declaracións aos medios, Caballero avanzou ademais a posibilidade de convocar a este evento ás cidades españolas con peso neste sector industrial.
Abel Caballero advertiu unha vez máis de que se a ampliación do Ifevi non está lista para a próxima edición de Conxemar, a única culpable será a Xunta de Galicia dado que poido ter iniciado hai dous meses o proceso de licitación das obras -condicionado á disposición do solo -. De telo feito así, os traballos poderían comezar ao día seguinte do acto de levantamento de actas previas á ocupación para a expropiación dos bens e dereitos, convocado para o 11 de decembro polo Concello de Vigo.
Abel Caballero reiterou esta mañá a vontade do goberno local de non aplicar a orde da Xunta que obrigaría a botar á rúa aos usuarios dos albergues que leven pernoctando máis de dez días. Coas instalacións de Marqués de Valterra e da Fundación Santa Cruz ao 100% da súa capacidade, o Concello aloxa a outras 29 persoas sen teito en hoteles ou hostais da cidade.
A Xunta de Goberno Local do Concello de Vigo aprobou este xoves as bases para seleccionar ao equipo directivo e aos alumnos-traballadores do obradoiro de emprego “Vigo Capacita VI”. O importe total é de 421.947 euros e todos os seleccionados saen das listas do INEM.
O alcalde de Vigo visitou este martes o novo establecemento da empresa Lidl en compañía do director rexional da compañía en Galicia, Jaime Herrá. A tenda, situada na antiga nave de Toys’ R’ Us, é a primeira da cadea en toda a comunidade en incorporar un “travelator” -corredor rodante- para favorecer a accesibilidade e a comodidade.
Abel Caballero amosou esta mañá a súa satisfacción na presentación da XV edición dos premios ao emprendemento organizados pola Asociación de Jóvenes Empresarios. Neste acto, organizado na sede da Deputación en Vigo, tamén estiveron presentes Carmela Silva e o presidente de AJE, Iván Suárez, así como Ana María Mejías, concelleira de I+D e Dinamización Administrativa.
O alcalde de Vigo mantivo este mércores unha xuntanza cos responsables da empresa RC Fil Non Tex, interesada en levantar na cidade unha planta de produción téxtil. A firma, con 30 anos de experiencia no sector, produce material para a fabricación de EPIs anticovid e ten tamén aplicacións industriais e agrícolas.
O alcalde de Vigo denunciou esta mañá o atraso co que a Xunta está a tramitar a ampliación do ifevi, unha vez que o Concello xa ten consignado o crédito para poder realizar as expropiacións tan pronto como o goberno autonómico remate coas sús responsabilidades. Insistiu na importancia de que Conxemar poida contar con máis superficie de cara a próxima edición para poder afrontar a competencia que vai sufrir desde outros territorios.
Abel Caballero continuou este mércores detallando as grandes cifras do orzamento para o ano que vén, aprobado a pasada tarde pola Xunta de Goberno Local. O alcalde destacou o incremento ata os 8,4 millóns na partida de emprego, os 11,7 millóns para o deporte e os 6,2 millóns destinados á cultura.
Abel Caballero reuniuse este venres con Douglas Prothero, director executivo de Ritz Carlton YachtCollection, a quen lle trasladou o apoio municipal no proceso de cambio de dirección no estaleiro Barreras.