A Xunta de Goberno Local vén de aprobar o proxecto "obradoiro de emprego Vigo capacita VII" que conta cun orzamento de 400.000 euros e cuxo obxectivo é a formación e cualificación do alumnado en especialidades de cociña e restaurante.
Abel Caballero insiste na necesidade de apurar a ampliación do Ifevi dado que os prazos que prantexa a Xunta “van moi xustos” cando anuncia que os traballos van a comezar en maio. Lembra a importancia de que este proxecto estea listo para a próxima edición de Conxemar.
Vigo será a sede da Administración de asistencia Dixital Integral de Galicia, unha unidade da Axencia Estatal de Administración Tributaria, con 92 traballadores públicos. A ministra de Facenda trasladoulle ao alcalde a pasada fin de semana a elección da cidade para implantar un servizo que ten por obxectivo mellorar a atención aos contribuíntes con medios telemáticos.
O alcalde dei conta esta mañá da contratación dunha plataforma para a xestión integral dos expedientes de Benestar Social, unha modernización tecnolóxica que permitirá reducir prazos, trámites e ofertar mellor atención aos usuarios. Esta iniciativa ten un custo de 562.000 euros a executar en dous anos, coa participación de fondos DUSI.
O alcalde reunirase a semana que vén con representantes do sector para presentarlles o proxecto de ordenanza previsto polo Concello. A tramitación administrativa da norma comeza cun período de consulta pública de 20 días.
O rexedor mantivo un encontro coa xunta directiva de ASIME para informarlle dos mecanismos que rexerán a chegada de fondos europeos de recuperación económica. Caballero volveu criticar á Xunta por non compensar á hostalaría, ao pequeno comercio a aos autónomos cos máis de 400 millóns que recibiu do Goberno central para ese fin.
Abel Caballero fixo balance este luns do desenvolvemento deste programa municipal de reactivación económica e social dirixido a autónomos e micropemes no contexto da pandemia do Covid 19. O programa prestou asesoramento a 137 usuarios do programa na cidade contribuíndo á implantación de 240 medidas.
O Concello modificou o contrato para intensificar as tarefas de desinfección nas piscinas de Travesas, Lavadores, Teis e Valadares, para o que prevé adicar ata 76.000 euros máis. Abel Caballero insistiu en que debería custealo a Xunta, “que recibiu ducias de millóns do Goberno de España para estas funcións”.
A maioría da Corporación Municipal deu luz verde esta mañá a unha moción socialista que solicita ao Porto a paralización de calquera iniciativa que supoña novos recheos na ría de Vigo. A concelleira de Urbanismo, María Xosé Caride, reclamou ademais a elaboración dun plan axeitado para reubicar instalacións e optimizar o uso do espazo portuario.
O alcalde insta á Xunta de Galicia a que envíe os recursos que corresponden á cidade para "levar adiante o modelo Valencia na súa totalidade", complementando os recursos cos do Concello e seguindo o criterio de distribución aplicado nesa comunidade autónoma.