Caballero louva o obradoiro de emprego Vigo Capacita, que ofreceu un "brunch" a usuarios da ONCE
O alcalde e o edil de Emprego achegáronse este mércores ata Valladares, onde ten lugar a formación en cociña e restaurante do Vigo Capacita VII. O alumnado ofreceu un "brunch" saudable a vinte cinco usuarios e usuarias da Fundación ONCE.
O alcalde, Abel Caballero, e o concelleiro de Emprego, Abel Losada, desprazáronse na mañá deste mércores ata as instalacións do Centro Cultural e Veciñal de Valladares, que acolle a sétima edición do obradoiro Vigo Capacita, nas especialidades formativas de Cociña e Restaurante.
As alumnas e os alumnos de ambas liñas prepararon este mércores un "bruch" saudable para vinte cinco usuarios e usuarias da Fundación ONCE. Caballero aproveitou o acto para saudar aos comensais e felicitar aos estudantes e animalos a completar a súa formación para o emprego.
