venres, 25 mai 2018
O Concello coopera un ano máis coa Fundación Isidre Esteve, co obxectivo de mellorar a calidade de vida das persoas con mobilidade reducida ou discapacidade. Nesta ocasión, será o día 10 de xuño cando a praia do Vao se encha de deportistas para participar na V edición de Coruxo Móvese.
xoves, 24 mai 2018
A Pedaliña 2018 arrancará o sábado 26 de maio coa festa da bicicleta no Castro e seguirá o domingo 27 pola mañá cunha ruta que sairá da Porta do Sol ás 11,00 h. Un ano máis, o rexedor animou a toda a cidade a sumarse a estas actividades.
xoves, 24 mai 2018
O alcalde da cidade, Abel Caballero, acompañado polo concelleiro de Deportes, Manel Fernández, presentou o cartel do evento xunto con Fina Barreiro, presidenta da Asociación de Veciños, e Jesús Bouzada, director do centro cultural, encabezando ao grupo de organizadores.
mércores, 23 mai 2018
O alcalde de Vigo, Abel Caballero, e a presidenta da Deputación de Pontevedra, Carmela Silva, entregaron este mércores no Concello aos presidentes do Coruxo e do Rápido de Bouzas, Gustavo Falque e Manuel Seoane, as resolución presidenciais a institución provincial coas axudas deste ano a ambos os dous clubs que superan os 200.000 euros.
venres, 11 mai 2018
Abel Caballero felicitou esta mañá aos organizadores da Carreira Feminina El Corte Inglés porque este evento mistura a reivindicación de vida saudable e a defensa da igualdade. Na presentación, animou a todas as mulleres a participar "nunha festa" que considerou parte da mobilización cidadá que reclama os dereitos das mulleres.
martes, 8 mai 2018
O alcalde de Vigo, Abel Caballero, presentou hoxe o 52 Rallye Recalvi Rías Baixas, que regresa ás estradas de Vigo e da súa área de influencia dentro do Campionato de Galicia de Rallyes sobre asfalto 2018.
venres, 4 mai 2018
Este venres ten lugar a posta en marcha deste recinto, no que o goberno de Vigo reformou e renovou a pista e mellorou os equipamentos, por exemplo cun novo equipo de son e 360 novos asentos. Segundo explicou o alcalde, o Concello adica 10,5 millóns de euros a reformas e novos pavillóns deportivos.
xoves, 3 mai 2018
O goberno local volve poñer en marcha as súas iniciativas de conciliación laboral no verán e xa convocou 400 prazas para nenos e nenas de entre 6 e 14 anos. As instalacións deportivas de As Travesas, Samil e a ETEA son as ubicacións escollidas para acoller estas iniciativas lúdico deportivas.
luns, 30 abr 2018
Abel Caballero visitou este luns as instalacións da nova pista de skate de Barreiro, onde os usuarios a cualificaron como "a mellor de Galicia". O Concello traballa tamén na construción doutra pista en Navia e este mesmo ano reformará a do Calvario, ademais de estar á espera de Patrimonio da Xunta para a do Castro.
luns, 30 abr 2018
O concelleiro de Deportes, Manel Fernández, presentou hoxe a vixésima terceira edición dos Xogos Autonómicos Special Olympics de fútbol sala, que se desenvolverán o vindeiro domingo 6 de maio na Pista Vermella do complexo deportivo municipal das Travesas, co patrocinio do Concello e da Deputación.