Escoitar

Vigo, saída e meta da Copa de España e do Campionato de Galicia de ciclismo

O alcalde participou este martes na presentación das carreiras que organiza o Vigo-Rías Baixas na cidade: unha etapa da Copa de España este domingo 16 e o Campionato de Galicia o próximo luns día 17 de maio.

martes, 11 mai 2021
Momento da rolda de prensa deste martes no Círculo de Empresarios de Galicia
Momento da rolda de prensa deste martes no Círculo de Empresarios de Galicia

Abel Caballero celebrou que o Club ciclista conseguise celebrar estas carreiras e trasladou o seu “orgullo e satisfacción” porque Vigo as acolla dada a “importancia do ciclismo como deporte e pola presenza na cidade e no conxunto da área metropolitana”.

Na presentación na que participaron o presidente do Vigo-Rías Baixas, José Luis Chamorro, e o deputado provincial de Deportes, Gorka Gómez, entre outras autoridades, o rexedor cualificou o ciclismo de “excepcional” e recoñeceu o esforzo conxunto para desenvolver unha carreira destas características, referíndose ao traballo da Garda Civil e das policías locais que son “garantía do bo funcionamento técnico” e puxo en valor o traballo da organización na parte técnica e loxística. Amais, comprometeu o apoio municipal a esta acción para que “se consolide en Vigo”.

A etapa da Copa de España de ciclismo, organizada polo equipo Vigo-Rías Baixas, arranca o domingo con saída e meta no Auditorio Mar de Vigo e pasa polos concellos de Redondela, Gondomar, Nigrán, Mos, Porriño e Tui ao longo de 180 quilómetros de trazado coa participación de tódolos equipos galegos. O luns 17 celébrase o Campionato de Galicia, con idéntico percorrido e coa participación de 130 ciclistas galegos e 10 equipos convidados de fóra da comunidade.

 

Momento da rolda de prensa deste martes no Círculo de Empresarios de Galicia
Descargar todas as imaxes