Abel Caballero e Carmela Silva visitaron esta mañá o mural que a artista Lula Goce está a realizar diante do Mercado de As Travesas. Trátase dun dos 16 novos murais urbanos que o Concello ten en execución dentro do VI programa de Arte na rúa, dotado con 480.000 euros.
O Concello de Vigo coopera unha vez máis coa posta en marcha do concurso internacional de piano “Cidade de Vigo” que nesta ocasión e debido á pandemia será unha edición online que se desenvolverá entre o 15 e o 19 de outubro. Este ano serán un centenar os músicos participantes que foron seleccionados entre máis de 300 aspirantes de 50 países do mundo.
O Concello de Vigo continúa este luns coa programación de actividades de verán con catro citas para os amantes da música e do folclore, pero tamén para os máis pequenos con actividades infantís.
Vigo acollerá esta fin de semana un total de sete concertos en diferentes lugares da cidade. Este mesmo venres, na Porta do Sol, Pablo Lesuite e Cómplices ofrecen a primeira actuación das 15 programadas con grupos de Vigo entre os meses de agosto e setembro.
O alcalde anunciou este luns en rolda de prensa que o Auditorio Mar de Vigo ampliará a programación do Festival TerraCeo cunha sesión vermú. O grupo invitado será Miss Cafeína e actuará o vindeiro 29 de agosto ás 13:00 horas.
Caballero visitou este xoves a exposición “Museo Quiñones de León. Novas incorporacións de arte galego 2015-2020”, que se inaugura ás 20:00 horas na Pinacoteca Francisco Fernández del Riego, e que inclúe unha selección ampla dos fondos que ingresaron na colección do Concello nos últimos cinco anos.
Este venres, 14 de agosto, a rede de museos municipais de Vigo celebra a Noite Branca con concertos, exposicións, conferencias, música e a apertura das instalacións ata as 2 da madrugada. O Concello inaugura a exposición “Silverio Rivas. Mente-Materia” na Casa das Artes.
O alcalde avanzou que “Seda de Cabalo” de Manuel Vilariño, a partir do 18 de setembro, e “Os teus ollos din o que a túa boca cala” de Celeste Garrido, dende o 2 de outubro, estrearán a nova temporada do Museo de Arte Contemporánea de Vigo.
A Xunta de Goberno aprobou este xoves a subvención nominativa á Fundación MARCO co fin de arranxar a cuberta e realizar melloras no edificio por un valor de 120.000 euros que se suman aos 600.000 euros anuais que recibe a entidade por parte do goberno municipal.
Abel Caballero visitou unha libraría da cidade para amosar o seu apoio ao sector, que hoxe xoves, 23 de xullo, celebra un particular día do libro marcado polo Covid-19. Concello e Federación organizan unha xornada na que os exemplares toman as rúas. O alcalde adiantou a cesión de espazos públicos para a organización de actividades.