A Concellería de Cultura patrocina a mostra "Cartas ao meu amigo. Epistolario mindoniense a Francisco Fernández del Riego" que se exhibe na Casa Galega da Cultura. A Editorial Galaxia publicou un libro coa reproducción das cartas.
A exposición titulada ”Formas de ser”, da artista viguesa Andrea Costas, que se poderá visitar na Sala B da Fundación Laxeiro ata o vindeiro 20 de abril. Na exposición, organizada pola Fundación Laxeiro en colaboración co Centro de Estudios Fotográficos, figuran imaxes de tres series de fotografías: Tempo ao tempo, Incorporados e Composturas.
As sesións abertas "A ópera e Vigo", do I Congreso internacional de musicoloxía, analizan o sábado ás 17:30 a influencia deste xénero na cidade.
O Museo de Arte Contemporánea inaugura o 10 de abril a exposición de Vigovisións 1986-2000, dentro do seu labor de revisión histórica e recuperación de autores e movementos contemporáneos en Galicia. A mostra compila as distintas imaxes creadas para a sección Vigovisións da Fotobienal ao longo das súas distintas edicións.
O concelleiro de Cultura, Carlos Príncipe, presentou o Primeiro Congreso Internacional de Musicoloxía que se celebrará na Fundación Mayeusis os días 4 e 5 de abril e que leva por título "A ópera en Vigo". O congreso organizado polo Instituto de Estudios Vigueses, en sesións abertas, está enmarcado no proxecto da Unión Europea "European Musical Heritage and Migration" que desenvolve o Instituto da Música Latinoamericana e que está coordinado en España por Enrique Sacau.
Os visitantes de Verbum-Casa das Palabras poderán pasar gratis de outubro a maio a partir das 17:00 horas de martes a venres.
Asemblea pola Paz presentou hoxe o referendum-consulta sobre a guerra que se levará a cabo os días 4 e 5 de abril en oito puntos da cidade e que conta coa apoio da concellería de Cultura.
O concelleiro de Cultura, Carlos príncipe, a viuva do escritor Kristina Berg e Víctor F. Freixanes, director xeral de Editorial Galaxia presentaron hoxe ós medios de comunicación O galo de Antioquía, un conto de Carlos Casares que non tivera ocasión de chegar ó gran público, porque con anterioridade se publicara de xeito minoritario en revistas e coleccións privadas.
O Museo de Arte Contemporánea inaugura, o 21 de marzo, "Melodrama", a súa nova exposición temática. Na mostra participan 34 artistas que traballan en distintos soportes e os que une a utilización das técnicas melodramáticas nas súas obras. "Melodrama" chega a Vigo tras exhibirse no Artium de Vitoria e no Centro José Guerrero de Granada.
O museo Quiñones de León, en colaboración coa Concellería de Cultura, acolle unha exposición sobre as obras máis emblemáticas da colección "Natureza, contexto e obra de Camilo Nogueira", restaurada en 2002 co gallo do XX aniversario do pasamento do artista.