mércores, 5 out 2011
Coincidindo co 40 aniversario do seu nacemento, Médicos Sin Fronteras (MSF) inaugura, gracias á Concellería de Cultura, festas e políticas do Benestar, o 5 de outubro, na Casa das Artes de Vigo, a exposición "40 Anos de Acción Humanitaria Independente", unha mostra fotográfica que repasa a historia da organización, así como os principios que guiaron o seu traballo durante as últimas décadas. A exposición inaugurouse esta mañá coa asistencia de Abel Caballero, alcalde de Vigo e Fran Román, expatriado de MSF e poderase visitar ata o vindeiro 23 de outubro.
martes, 4 out 2011
"O Universo: física e filosofía" e o tema central das XX Xornadas de Filosofía que organiza a agrupación Aletheia en colaboración co Concello de Vigo e que se celebran os días 4,5 e 6 de outubro no auditorio municipal. Os ponentes das xornadas son expertos nos temas do Universo, tanto desde a súa visión filosófica como física e astronómica.
venres, 30 set 2011
A Fundación Laxeiro presenta "No me escribas, tampoco verte", unha videoinstalación do artista pepebeas (Córdoba, Arxentina, 1955) que se inscribe dentro do proxecto Entre mares, unha colaboración da fundacion co Collblanc espai d’art de Castellón.
venres, 30 set 2011
A compañía Marie de Jongh subirá ao escenario do Auditorio Municipal o domingo 2 de outubro ás 18 horas para retratar en "Humanos" a dous robots aparentemente humanos que recrean condutas humanas onde nada é para sempre. Prezo: adultos 5 €, menores de 12 anos 3 €
xoves, 29 set 2011
O Verbum – Casa das palabras presentou hoxe no Concello de Vigo o seu programa para o que queda de 2011. A concelleira de cultura Isaura Abelairas debullou o programa e as diferentes actividades do<br />
museo, relacionado con todas as artes e formas da comunicación.
xoves, 29 set 2011
A compañía El Óbalo Producciones nos ofrece unha obra de amor e desamor entre Torvalo e Angélica, na que a clave da trama a pon o chantaxe do seu irmá xemelgo Reinaldo. A representación terá lugar o venres 30 de setembro ás 21 horas no Auditorio Municipal. Prezo 7euros.
mércores, 28 set 2011
O alcalde, Abel Caballero, e a concelleira de Cultura, Isaura Abelairas, visitaron este mércores a biblioteca municipal Xosé Neira Vilas, localizada en Martínez Garrido, o primeiro centro municipal destas carácteristicas. A biblioteca, aberta a finais de marzo, recibiu a 25.000 usuarios nos seus case 400 metros cadrados de superficie, con 64 postos de lectura, audiovisuais, información, 10 ordenadores e zonas WiFi. Abelairas presentou a programación do centro para os próximos meses, que contou coa "implicación" dos profesionais e veciñanza
O Auditorio Municipal acollerá 20 funcións ata fin de novembro
martes, 27 set 2011
O alcalde, Abel Caballero, e a concelleira de Cultura e Festas, Isaura Abelairas, presentaron hoxe martes a programación estable de artes escenénicas do Auditorio Municipal para os meses de setembro a novembro. Segundo destacou, a programación aposta por unha liña que pretende a consolidación de públicos a través das artes escénicas, cos mellores espectáculos de teatro e danza que están nestes momentos circulando en Galicia e fóra dela, así como un claro obxectivo de formación de novos públicos a través dos programas pensados para os máis cativos.
martes, 27 set 2011
Ata o 3 de outubro está aberto o prazo de matrícula para asistir ás XX Xornadas de Filosofía que se celebrarán os días 4,5 e 6 de outubro no Auditorio Municipal. Esta edición versará sobre "O Universo: física e filosofía"
luns, 26 set 2011
Abel Caballero deu hoxe cumprimento a un dos desexos que sempre manifestou o escritor Francisco Fernández del Riego de colaborar no enriquecemento bibliográfico da biblioteca pública da súa localidade natal, Lourenza, en Lugo. Así, o asinou hoxe luns o alcalde de Vigo, Abel Caballero, de acordo co Padroado da Doazón da Biblioteca Fernández del Riego do Concello. Deste xeito, a biblioteca pública municipal "Juana de Ibarbourou", de Lourenzá, recibirá un lote de 2.684 títulos de libros e folletos do seu fondo de repetidos. O acto de cesión tivo lugar esta mañá na propia biblioteca Fernández del Riego.