A Conferencia de Presidentes convocada polo xefe do executivo, Pedro Sánchez, coa presenza de Ursula van der Leyen, celebrarase este luns 26 de outubro ás 10:00 horas por medios telemáticos. Caballero participará en representación de “máis de 8.100 alcaldes e alcaldesas que gobernan sobre 47 millóns de persoas”.
Abel Caballero pediu este venres á cidadanía que programe con tempo a súa tradicional visita aos camposantos vigueses para evitar que se produzan aglomeracións na fin de semana de Todos os Santos. Ademais, o alcalde pediu de novo precaución, especialmente a fin de semana, co obxectivo de frear o incremento de positivos por coronavirus na segunda ola da pandemia.
O goberno de Vigo decidiu suspender a actividade desde este mesmo xoves, dada a entrada en vigor da limitación das reunións a un máximo de cinco persoas, segundo anunciou o alcalde. O Concello prevé retomar as visitas cando as circunstancias sanitarias o permitan, mantendo a reserva daqueles que xa tiñan praza.
O BiblioMARCO celebra a primeira sesión presencial desta nova temporada cun aforo máximo de nove persoas nos tres grupos que se teñen conformados e cuxas prazas xa están cubertas.
Aforos ao 50%, obrigatoriedade de máscara e limitación de grupos a 5 persoas son algunhas das normas incluídas no protocolo municipal para acudir aos cemiterios con motivo da festividade de Todos os Santos. Haberá carteis informativos en todas as instalacións municipais e os días 30, 31 de outubro e o 1 e 2 de novembro, o horario dos camposantos será ininterrompido desde as 9,00 h ata ás 18,30 h.
O alcalde, que recomendou novamente “prudencia, sentido común e precaución” contra o coronavirus, insistiu en solicitar á Xunta información diaria por municipios e non só por áreas sanitarias, e amosou os exemplos de Portugal, Andalucía, Cataluña, Aragón, Estremadura, Castela e León, Asturias, Murcia ou Canarias para reclamar o mesmo en Galicia.
Abel Caballero confirmou este venres que o Concello de Vigo tramitará as denuncias impostas pola Policía Local de Vigo desde o mes de marzo por non usar máscara. O alcalde amosou a intención do seu goberno local de acatar o ditame do Consello Consultivo e colaborar coa Xunta.
Segundo afirmou este xoves o alcalde, o Concello quere cooperar coa asociación para atender a familias vulnerables, especialmente afectadas pola pandemia. En total, o Concello adica 372.000 euros anuais a comedores sociais e reparto de alimentos.
O alcalde de Vigo valorou este xoves a decisión da Xunta de Galicia de solicitar un informe ao Consello Consultivo para aclarar cal é a administración que debe tramitar as denuncias por non usar máscara. Caballero insistiu en reclamar ao Goberno galego os datos sobre a pandemia na cidade.
Abel Caballero trasládalle a Feijóo a súa vontade de cooperación neste eido para o que é preciso que a Xunta atribúa competencias sancionadoras aos concellos a través dunha norma que o habilite. Amais, insiste na necesidade de recibir información sobre a incidencia do virus en Vigo para poder dirixir a protección cidadá.