xoves, 18 ago 2011
O rexedor municipal acompañou a Alfredo Pérez Rubalcaba nun encontro con axentes sociais e veciñais organizado para que recabar ideas e opinións de cara a configurar o programa electoral co que o candidato socialista espera converterse en presidente do Goberno Central. O acto, que se desenvolveu no Auditorio Pazo de Congresos, contou coa presenza, entre outros, da senadora Carmela Silva, e o secretario xeral dos socialistas galegos, Pachi Vázquez.
mércores, 17 ago 2011
O alcalde de Vigo, Abel Caballero, subliñou hoxe mércores o grao de coordinación co que actúan na cidade Policía Local, Nacional e Garda Civil. Así o destacou despois dun encontro no que despediu ao tenente coronel da Garda Civil Manuel Javier Novo e lle deu a benvida ao sucesor no cargo, Fernando Pedreira.
mércores, 17 ago 2011
O alcalde de Vigo, Abel Caballero, recibiu hoxe mércores a un dos estudantes vigueses seleccionado para participar nun programa de orientación e desenvolvemento matemático da Universidade de Santiago. Caballero felicitou e animou a Nicolás Rodríguez Chantada, alumno de primeiro da ESO, a proseguir con éxitos os seus estudos.
mércores, 10 ago 2011
Abel Caballero anunciou hoxe mércores que o Ifevi "verá por fin solucionado o seu grave problema de aparcamento", xa que o aeroporto de Peinador lle cederá máis de 1.000 prazas. Esta "importante decisión para o principal recinto feiral de Galicia alcanzouse nunha reunión que mantivo o rexedor, acompañado da primeira tenente de alcalde, Carmela Silva, co director de Espazos e Servizos de Comunicación de AENA, Mariano Sanz Peche; a directora do Peinador, Noelia Martínez; e o xerente do Ifevi, Arsenio Iglesias.
luns, 8 ago 2011
O rexedor garantiu hoxe luns manter ás achegas municipais que recibe a Rede de Mulleres Veciñais contra os Malos Tratos de Vigo. Caballero, quen asumiu este compromiso durante un encontro con responsables da organización, cualificou de "preocupante" a situación da organización, logo de que as responsables da mesma lle traladaran a decisión da Xunta de rebaixar as achegas autonómicas nun 80%".
luns, 8 ago 2011
Abel Caballero mantivo este luns unha reunión de traballo cos responsables de Telefónica para Galicia, a quen transmitiulles cuestións relativas ao servizo na cidade, en particular ao rural, e recordoulles que deberán seguir mantendo o "respecto á legalidade" no tocante á instalación de novas antenas de telefonía móbil. O rexedor vigués avogou por "cumprir escrupulosamente todos os requisitos das ordenanzas" municipais ao efecto.
xoves, 4 ago 2011
Abel Caballero mantivo este xoves a primeira reunión con Ignacio López-Chaves tras ser este nomeado presidente da Autoridade Portuaria de Vigo. O alcalde definiu a entrevista de "produtiva" e para entablar unha relación "fluída, leal e de colaboración" institucional. O rexedor vigués anunciou que o Concello iniciará "mañá mesmo" a limpeza dos espazos infantis portuarios de Bouzas e Areal e encargarase dos contedores sitos nos embarcadeiros ao Morrazo e Cíes.
mércores, 3 ago 2011
O rexedor garantiu hoxe mércores a licitación da ampliación da ponte de Rande, na que se investirán 200.000 millóns de euros, "porque tanto o ministro de Fomento como o alcalde de Vigo están volcados para que así sexa". Logo de felicitar ao ministro de Fomento, "garante da obra", criticou a Feijóo por opoñerse á dotar de maior capacidade a unha arteria "clave para esta cidade".
martes, 2 ago 2011
O alcalde de Vigo ofreceu hoxe martes á Xunta de Galicia e á Deputación de Pontevedra "cooperar" para habilitar rutas nacionais e internacionais desde o aeroporto de Vigo. Caballero asegurou que "non quero máis polémicas" e ofertou conversar ás administracións para impulsar Peinador, "o aeroporto a potenciar". O primeiro edil citou Paris, Londres, Francfort e o norte de Italia como destinos internacionais centrais para Vigo.
martes, 2 ago 2011
O alcalde de Vigo, Abel Caballero, anunciou hoxe martes a súa intención de "facer xestións" cos Ministerios de Pesca e Industria para "darlle fluidez" aos contactos cos promotores da feira de Conxemar. Logo dunha xuntanza con responsables do evento, o rexedor cualificou esta cita económica como "estratéxica para a cidade" e destacou a importancia de que desde Madrid se lle dea pulo "á feira do conxelado máis importante de Europa".
