mércores, 24 ago 2011
O rexedor "cooperará activamente" para que o Ministerio de Economía atenda as solicitudes que a empresa Denso, ubicada en Valladares, lle solicitou ao Ministerio de Economía para ampliar a súa factoría. Caballero, quen mantivo un encontro con responsables da empresa, coida que estas peticións deben ser atendidas "concebindo a automoción como un sector estratéxico para Vigo, Galicia e España".
martes, 23 ago 2011
A Xunta de Goberno deu luz verde hoxe martes ás ordenanzas fiscais do 2012, que reducen a presión fiscal ás clases máis desfavorecidas: nenos, maiores e dependentes. Segundo explicou o alcalde, Abel Caballero, na maior parte dos casos, as taxas quedan conxeladas en termos reais, xa que se aplica a actualización do IPC.
martes, 23 ago 2011
O alcalde de Vigo, Abel Caballero, acompañado do presidente do Celta, Carlos Mouriño, desprazouse hoxe martes ata a Madroa para despedir aos 44 efectivos de Vigo que participan nos XIII edición dos Xogos Mundiais de Policías e Bombeiros. O evento deportivo celébrase en Nueva York entre o 25 de agosto e o 5 de setembro.
martes, 23 ago 2011
O alcalde de Vigo, Abel Caballero, solicitou hoxe á Xunta que "reconsidere a decisión de retirar unha ambulancia medicalizada de Vigo". Así o indicou nunha rolda de prensa na que fixo fincapé na trascendencia desta medida nunha cidade caracterizada pola súa dispersidade xeográfica, que se estende ao longo de 110 quilómetros, xa que "nos deixa nunha situación sanitaria moi precaria".
luns, 22 ago 2011
O alcalde de Vigo, Abel Caballero, asinou hoxe con representantes da Federación de Peñas Recreativas El Olivo un convenio de colaboración para a promoción da cultura e do deporte. O Concello aportará 15.000 euros e, pola súa banda, El Olivo comprométese á estimular o deporte, a cultura e arte, organizar eventos recreativos e apoiar iniciativas a prol do desenvolvemento cultural de Vigo.
luns, 22 ago 2011
O rexedor avanzou hoxe luns que a cidade de Vigo rexistrou na pasada madrugada 82 litros de auga por hora, con intensidades de ata 110 litros/hora. Tras aclarar que a situación superou a alerta laranxa decretada polos técnicos, Caballero, quen inspeccionou persoalmente as zonas máis afectadas durante a noite e esta mesma mañá, fixo un balance das máis de 50 intervencións desenvolvidas por bombeiros e Policía Local e explicou que os técnicos van facer un estudo polo miúdo das zonas máis afectadas para poder sacar conclusións de cara ao futuro.
luns, 22 ago 2011
O Concello de Vigo colaborará coa Coral Casablanca de Vigo para que actúe nas cidades máis importantes de España. Así o anunciou hoxe luns o alcalde, Abel Caballero, tras reunirse co presidente, Ignacio Pérez Amoedo, e o director Oscar Villar.
venres, 19 ago 2011
O alcalde de Vigo, Abel Caballero, anunciou hoxe venres que a finais deste mes de agosto estarán rematadas as obras de humanización de Balaídos, Eugenio Kraft e Manuel Castro. Acompañado de Carmela Silva, indicou que estes traballos pendentes, que ascenden a 50.000 euros, permitirán concluír o proceso de transformación da zona, que se converterá "nun dos grandes centros da cidade".
venres, 19 ago 2011
Abel Caballero destacou a "entrega e esforzo" co que Luis Espada Recarey, Valedor do Cidadán, elaborou un estudo sobre pobreza e exclusión social. O rexedor, quen acompañou este venres ao escritor na presentación do libro, agradeceulle a Espada "a súa sensibilidade e o seu traballo continuo por esta cidade". O alcalde avanzou a súa intención de actuar no ámbito social "sen recortes e, na medida do posible, incrementando" dotacións orzamentarias. Nesta liña, subliñou que os trámites de construción do albergue seguen adiante sen pausa porque é "un compromiso de primeira magnitude" do Goberno municipal.
venres, 19 ago 2011
"Foron unhas festas excepcionais e moi robustas". Así definiu o alcalde Abel Caballero, o programa festivo que ven de rematar en Vigo. Nun balance diante dos medios de comunicación, o rexedor loubou o traballo da concelleira Isaura Abelairas e destacou que a austeridade que caracterizou a organización das festas este ano.
