martes, 19 xul 2011
O alcalde de Vigo mantivo na mañá deste martes unha reunión cos responsables desta empresa de capital íntegramente vigués, que elabora pezas de "altísima tecnoloxía" e emprega a entre 30 e 50 traballadores. Caballero indicou que o goberno de Vigo intermediará cos ministerios de Ciencia e Defensa para que teñan en conta á empresa viguesa, especializada en producción para a Armada e para o sector da automoción.
martes, 19 xul 2011
O Valedor do Cidadán, Luis Espada, será o responsable de ler o pregón do Día de Galicia, nun acto que se celebrará o venres ás oito da tarde en Castrelos. Segundo avanzou este martes o alcalde de Vigo, Abel Caballero, nesta edición se suprimirá o tradicional cátering, nuna decisión de aposta pola austeridade acorde "cos tempos de crise que estamos a vivir".
luns, 18 xul 2011
O alcalde de Vigo, Abel Caballero, asistiu este luns á toma de posesión do anterior edil municipal Ignacio López-Chaves como novo presidente da Autoridade Portuaria de Vigo, tras ser nomeado pola Xunta de Galicia. Caballero subliñou que o Porto é "central" para a urbe e merece "todos os esforzos" polo que tendeu á man a López-Chaves para traballar por unha etapa "máis brillante e duradera".
luns, 18 xul 2011
O alcalde de Vigo, Abel Caballero, invitou hoxe luns a toda a cidade, a toda Galicia e a todo o Norte de Portugal á IX edición do Festival Aéreo Internacional de Vigo que se celebrará o domingo 24 na praia de Samil, a partir das 11,00 da mañá. Logo a asinar un convenio co copresidente de Novacaixagalicia, Julio Fernández Gayoso, e o organizador, Pablo González, o rexedor resaltou a importancia de manter este evento "nunha época de dificultades económicas para todos".
luns, 18 xul 2011
O Consello Económico, presidido hoxe luns polo alcalde de Vigo, Abel Caballero, acordou por unanimidade apoiar ao sector naval na súa convocatoria de movilización cidadá prevista para o xoves, 21 de xullo. Logo dunha reunión de algo máis dunha hora, todos os representantes sindicais, empresariais, civís e políticos aprobaron un documento conxunto que tamén insta ao Goberno de España á Xunta a desbloquear de forma urxente o instrumento financieiro-fiscal "tax lease", pactando unha resolución final entre o Goberno Central e Unión Europea. <br />
venres, 15 xul 2011
O alcalde de Vigo, Abel Caballero, trasladoulle hoxe venres a Julio Fernández Gayoso, José Luis Pego e José María Castellano o apoio do Goberno municipal para que se consolide un "proxecto financeiro estratéxico para a actividade económica de Vigo e a súa área de influencia". Logo de manter un encontro moi "cordial" cos xestores da entidade, o rexedor explicou que durante a entrevista analizaron os elementos vencellados co desenvolvemento financeiro do banco que se constituirá en setembro.
venres, 15 xul 2011
O alcalde de Vigo, Abel Caballero, presidiu hoxe venres a comisión executiva do Eixo Atlántico, que acordou solicitar ao Goberno portugués unha moratoria para evitar os pagos "mentras non se resolvan os problemas técnicos das peaxes" no país veciño. Os muncipios deste organismo decidiron tamén reclamar máis seguiridade para os transportistas e seguir reivindicando a importancia do AVE para a Eurorrexión.
mércores, 13 xul 2011
O alcalde de Vigo, Abel Caballero, mantivo na mañá deste mércores unha entrevista formal con Rafael J. Ceñal Martínez-Hombre, o actual comandante de Mariña na cidade de Vigo na despedida do seu cargo. O primeiro edil vigués quixo ofrecerlle unha recepción oficial ao comandante en recoñecemento ao traballo realizado desde a cidade.
mércores, 13 xul 2011
O alcalde de Vigo, Abel Caballero, presidiu este mércores a Xunta de Seguridade convocada pola celebración do Festival Aéreo Internacional de Vigo 2011, que terá lugar en Samil o próximo 24 de xullo ás 11 horas. Unhas 250 persoas, entre efectivos de Policía Local, Policía Nacional, bombeiros, Garda Civil, socorristas e membros de Protección Civil, velarán pola seguridade durante o desenvolvemento do evento.
As instalacións deportivas funcionarán "de forma inmediata", adiantou Caballero
mércores, 13 xul 2011
Caballero recordou que o recinto da antiga Escola da Armada é competencia municipal e abrirá todo o día "dentro duns días". O rexedor recordou que "solamente o Concello ten capacidade de decidir" sobre a apertura dos espazos da ETEA, ao ser unha "zona cidadá". Abel Caballero adiantou tamén que as obras nas instalacións deportivas xa están rematadas e poderán ser abertas "de forma inmediata"
