O Concello de Vigo contratará 15 mulleres vítimas dos malos tratos a cargo dun programa de cooperación entre Xunta e Entidades Locais polo que Vigo recibirá 209.643 euros. Así o anunciou hoxe o alcalde de Vigo, quen engadiu que o Concello tamén destinará 15.000 euros para subvencionar as actividades da Rede de Mulleres Veciñais Contra os Malos Tratos
A Xunta de Goberno deu luz verde ao Programa Vigo Bici de préstamo de bicicletas na rúa. Trátase, explicou o alcalde, dun proxecto experimental polo que ata o 31 de decembro este servizo será gratuíto co obxectivo de "facelo popular" entre cidadáns e turistas. A partir do ano que ven entrará en vigor a ordenanza correspondente que ata o de agora no se poido poñer en marcha por "problemas administrativos".
O rexedor reiterou hoxe venres o apoio do Goberno municipal ao Campus do Mar durante a visita que realizou esta mañá ao obradoiro instalado en Samil. Caballero destacou o carácter divulgativo e de sensibilidade co medioambiente desta iniciativa nunha cidade como Vigo, "que somos a cidade do mar".
O alcalde de Vigo, Abel Caballero, anunciou hoxe xoves que a ría de Vigo contará cun Sistema de Integral de Vixiancia Exterior (SIVE) que reforzará a seguridade en toda a costa "desde a o norte da ría de Pontevedra, case ata A Guarda". Trátase de sete radares coas últimas tecnoloxías e un investimento de 7 millóns de euros.
Abel Caballero asinou este xoves un convenio de colaboración que compromete aos sindicatos da comarca a realizar actividades divulgativas e xestionar nas súas dependencias unha oficiña municipal. Esta iniciativa, dotada con 43.000 euros, enmárcase no obxectivo de "desenvolver accións sociocomunitarias que redunden no beneficio da cidade".
O rexedor municipal dirixirase por carta aos alcaldes da área de Vigo alertando sobre a necesidade de extremar as medidas de control de gasto de auga "ante a preocupante situación dos encoros". Avanzou a posta en marcha desde o Concello dunha campaña divulgativa para que toda a cidadanía adopte medidas de aforro doméstico.
Abel Caballero destacou o aumento nun 90 por cento das solicitudes de bolsas de comedor rexistradas este ano, que pasaron de 1.951 , no curso pasado, a 3.699 neste curso que comeza. Instou á Xunta a "tomar nota de que ten que ampliar os comedores" en tanto que desde o Concello "imos conceder todas as bolsas precisas sempre que haxa espazo nos colexios".
Abel Caballero destacou o aumento nun 90 por cento das solicitudes de bolsas de comedor rexistradas este ano, que pasaron de 1.951 , no curso pasado, a 3.699 neste curso que comeza. Instou á Xunta a "tomar nota de que ten que ampliar os comedores" en tanto que desde o Concello "imos conceder todas as bolsas precisas sempre que haxa espazo nos colexios".
O rexedor municipal avanzou que hoxe mércores, ás 13,00 horas, quedou aberto ao tráfico un carril ascendente da rúa Colón, despois de verse afectada polas inundacións que asolaron Vigo na madrugada do pasado luns. Aclarou que entre hoxe e o xoves tratarase de abrir un segundo carril, "tan pronto como sexa posible", matizou. O alcalde, que hoxe visitou de novo a zona, anunciou que se vai acometer "a obra definitiva que permita subsanar as deficiencias internas" que arrastra a rúa Marqués de Valladares desde a súa humanización, obras realizadas durante o último mandato do PP na cidade.
Cun importe de adxudicación de 375.000 euros, a Xunta de Goberno deu luz verde hoxe mércores á ampliación en 150 as bolsas de inglés que o Concello concede, co que xa serán 510 rapaces de Vigo os que poidan estudar en Inglaterra este verán. Segundo explicou o rexedor, este aumento "foi preciso para cubrir a supresión que a Xunta realizou de todas as axudas para estudar inglés nesta cidade".