Un efectivo composto por máis de 500 persoas estarán coordinadas durante os catro días da regata por un Comité de Seguridade Permanente
xoves, 16 abr 2009
A Xunta Local de Seguridade celebrou esta mañá unha reunión extraordinaria co alcalde da cidade, Abel Caballero, para analizar os distintos niveis que se establecerán con motivo da celebración do Desafío Atlántico de Grandes Veleros, os próximos 30 de abril e 1, 2 e 3 de maio.
mércores, 15 abr 2009
Abel Caballero valorou que o informe responde ao informado polos responsables xurídicos do Concello e "deixa as portas abertas de par en par" á colaboración do Consorcio coa cidade. O alcalde agarda que o Comité Executivo de Zona Franca cumpla o mandato do Pleno de estudar e acometer a reforma das instalacións.
mércores, 15 abr 2009
O alcalde felicitou á Fundación Telefónica, promotora da iniciativa contra o traballo infantil que instalou a súa caravana na cidade o 14 e 15 de abril na explanada de A Laxe. Abel Caballero salientou a "importancia" desta actuación, que procura explicar a realidade de millóns de nenos en Latinoamérica.
martes, 14 abr 2009
Abel Caballero asinou este martes o convenio polo que CC.OO., UGT e CIG vixiarán o cumprimento das condicións laborais e de seguridade nas obras financiadas co "Plan Zapatero", un acordo que hoxe entra en vigor e que será ampliado a todas as obras públicas con financiación municipal, segundo avanzou o rexedor.
luns, 13 abr 2009
Técnicos do Ministerio visitarán a actual sede da Escola de Artes e Oficios para comprobar a súa viabilidade. O alcalde asegurou que esta é "a mellor ubicación posible" para a Biblioteca pois creará "un gran bloque cultural no centro da cidade", e garante que a Escola mellorará as súas condicións actuais na súa nova localización, tamén céntrica.
mércores, 8 abr 2009
Abel Caballero acudíu este mércores a Madrid a presenciar a toma de posesión do lucense José Blanco ao fronte da carteira de Fomento. O rexedor vigués afirmou que "a cidade de Vigo está hoxe de noraboa" porque o novo ministro "coñece perfectamente os proxectos en marcha na cidade".
martes, 7 abr 2009
A Fundación 10 de Marzo, dependente do sindicato CC.OO., organiza en Santiago actividades de debate sobre, por exemplo, a vivenda protexida ou as áreas metropolitanas, aspectos que "teñen moito que ver" con Vigo, polo que o Concello acordou a realización das actividades da Fundación na cidade.
luns, 6 abr 2009
O alcalde informou hoxe luns que a Xunta de Goberno Local validou hoxe o texto polo que os sindicatos vixiarán que se garantan as condicións de traballo e de seguridade das obras do Plan E en Vigo. Abel Caballero estimou que "mañá ou pasado" se rubricará o acordo coas centrais sindicais.
luns, 6 abr 2009
Abel Caballero explicou que o Concello investirá 600.000 euros en bolsar a 25 nenos máis que o pasado 2008, no que viaxaron un total de 100 escolares, para estudar no Reino Unido en inglés durante tres semanas. Ademáis, o Concello percibe 158.000 euros da Xunta de Galicia para incrementar o persoal de Promoción Económica e Emprego.
venres, 3 abr 2009
Abel Caballero recibiu este venres a sete policías que foron recoñecidos polos seus méritos profesionais en distintas accións que van "bastante máis aló das súas obrigas", destacou o alcalde. Estes axentes participaron, por exemplo, na actuación que evitou o suicidio dun home nunha vivenda cunha bombona de butano. <br />
