A Feira Internacional da Industria Naval abriu este martes as súas portas no IFEVI e, durante a inauguración, o alcalde defendeu a necesidade de "renovar a nosa vocación de naval, de estaleiros" a amosouse aberto, se a organización así o decide, a facer de Navalia unha cita anual.
Abel Caballero mantivo este venres un encontro cos representantes do Colexio Oficial de Graduados Sociais. O colectivo demanda máis espazo no futuro emprazamento da xustiza na torre do Xeral, petición da que o alcalde faise eco pois "se precisa moito máis" espazo para os graduados sociais na "Cidade da Xustiza do século XXI"
Caballero recibiu esta mañá ao responsable de PSA Peugeot Citroën Vigo, Yann Martin, cunha felicitación que fixo extensiva a todos os traballadores da factoría de Balaídos pola adxudicación dun novo modelo. Durante o encontro, Caballero reiteróulle a vontade do Concello de seguir cooperando para que a planta viguesa continúe máis dunha década traballando ao máximo da súa capacidade de produción e emprego.
Unha delegación desta urbe chinesa, de nove millóns de habitantes, liderada polo seu rexedor visitou este venres o Concello e foron recibidos polo alcalde vigués. Caballero avanzou que, a solicitude destes, se inician os trámites para irmandar ambas cidades, que comparten peso pesqueiro, portuario e no sector da automoción.
O alcaldes de Vigo e Pontevedra coincidiron esta mañá ao reclamar unha unha alternativa viaria gratuita entre ambas cidade, así como en defender que a conexión ferroviaria sexa considerada como de proximidade. A mellora das infraestruturas foi un dos temas que abordaron ambos mandatarios na visita institucional que esta mañá realizou Miguel Anxo Fernández Lores ao Concello de Vigo.
O rexedor vigués ve unha "moi boa idea" a proposta do Colexio de Notarios de Pontevedra de abrir ao público o arquivo histórico -con documentos centenarios- e crear unha biblioteca especializa xurídico-notarial para investigadores. Tras a reunión deste mércores, Caballero avanzou que buscará sede para un "ámbito de lectura, investigación e depósito" que terá "unha magnífica acollida na cidade".
Abel Caballero asistiu este martes á celebración do Día de Europa organizada pola Axencia Europea de Pesca en Vigo e referiuse ao "soño" que supuxo a entrada en Europa para a cidadanía española e á relevancia da pertenza á Unión Europa para a economía viguesa, especialmente simbolizada no ámbito pesqueiro e na cooperación coa Axencia instalada na cidade. Ademais, o rexedor vigués instou á Unión Europea a que "se abra aos refuxiados que reclaman acubillo e auxilio" para seguir cumprindo a súa obriga no ámbito social. <br />
O alcalde avanzou que hoxe martes Vigo se sumará á conmemoración do Día Mundial de Lupus coa iluminación en cor morado das fontes da rúa Aragón con Jenaro de la Fuente. A cidade, deste xeito, incorpórase ás actividades organizadas para concienciar á poboación da importancia desta enfermidade. <br />
Abel Caballero e a presidenta da Deputación de Pontevedra asinaron este luns o convenio para a realización das obras de acondicionamento do espazo da UNED no Auditorio Mar de Vigo para as que a Deputación achegará un máximo de 800.000 euros. Carmela Silva amosou a súa "satisfacción" polo acordo que, dixo, "é unha proba de que o protocolo de colaboración co Concello vai en serio".
Abel Caballero participou este xoves no acto de descubrimento dunha escultura de Enrique Peinador nas inmediacións da Escola de Empresariais, na rúa Torrecedeira, a iniciativa do Foro que leva o seu nome e coa colaboración do Concello. O obxectivo é render homenaxe á figura deste, en verbas do rexedor, "gran empresario e gran emprendedor, cunha visión de Galicia desde Vigo".