venres, 5 ago 2016
O alcalde salientou o investimento do ente provincial na cidade como o "resultado dun cambio histórico" ao dar conta da aprobación por parte da Xunta de Goberno Local da solicitude de ampliación dos novos graos da UNED na cidade e da contratación das obras de acondicionamento dos espazos do Auditorio Mar de Vigo para este fin. Amais recibiu o visto bo a contratación de obras de humanización por valor de case catro millóns de euros.
venres, 5 ago 2016
O alcalde de Vigo eloxiou este venres a Pedro Campos e ao seu equipo xa que o barco, que compite na 35ª Copa do Rei Mapfre e vai líder absoluto da división BMW ORC 2, loce o logotipo da candidatura do arquipélago vigués a Patrimonio da Humanidade. Este patrocinio ten custo cero para o Concello, o que Abel Caballero agradeceu no nome da cidade.
xoves, 4 ago 2016
Abel Caballero mantivo un encontro este xoves con parte da nova xunta directiva de Avogados Novos de Vigo, entre eles a súa presidenta Victoria Picatoste, a quen lle trasladou "todo o apoio" do goberno municipal no seu labor e, especialmente, na candidatura que preparan para traer á cidade o XX Congreso da Avogacía Nova de España, se celebrará no ano 2018.
xoves, 4 ago 2016
O alcalde de Vigo e presidente da Federación Española de Municipios e Provincias esíxelle ao Ministerio de Facenda unha moratoria na aplicación da Lei de Racionalización e Sostibilidade da Administración Local (LRSAL).
mércores, 3 ago 2016
Abel Caballero recibiu este mércores á nova Xunta Directiva de Telefónica en Galicia, logo de que Marta Menéndez asumira a dirección da empresa na nosa comunidade. O rexedor declarou, ao remate do encontro, que o Concello mantén unha "boa relación" con Telefónica no referente á súa actividade en Vigo e no seu labor de ofrecer cobertura tanto de banda ancha como de rede móbil na cidade. Así, adiantou que a cooperación institucional marcará a relación entre goberno local e a dirección da empresa como viña acontecendo ata o de agora. <br />
martes, 2 ago 2016
Abel Caballero reuniuse este martes co seu homólogo de Valladolid, Óscar Puente, para abordar os puntos de encontro que existen entre ámbalas cidades como é a industria automobilística ou a aposta pola mobilidade sostible. Como mostra das relacións fluídas que manteñen as dúas institucións, os rexedores acordaron manter a colaboración conxunta e intercambiar experiencias e coñecemento. O rexedor vigués eloxiou o labor de Óscar Puente á fronte da alcaldía valisoletana.
xoves, 28 xul 2016
A Xunta de Goberno da FEMP, presidida por Abel Caballero, acordou pedir ao Goberno de España a acollida urxente de refuxiados en situación de extrema vulnerabilidade, e pon a disposición todos os medios con que conta a Federación nesta materia, como son a Rede de Municipios de Acollida de Refuxiados e a oficina de Coordinación Municipal de Axuda ao Refuxiado.
mércores, 27 xul 2016
Este mércores, durante a presentación do estudo "Crecemento Azul" da Autoridade Portuaria, o alcalde vigués indicou que este traballo, froito da "cooperación", é "excepcional, feito en tempo récord e con recursos modestos".
mércores, 20 xul 2016
Abel Caballero recibiu este mércores á nova propiedade da conserveira e transmitiulles que a prioridade do Concello é que se manteñan ou se aumenten os postos de traballo na cidade. "Ese é o noso desexo", explicou o primeiro edil, quen avanzou que esta é tamén a intención da compañía.
martes, 19 xul 2016
Entre outras propostas, Caballero reclamará a construción dun aparcadoiro no parque industrial de Balaídos, ademais de adiantar a este ano a ampliación deste espazo. Tamén reclamará a aceleración das obras do PTL para que se poidan instalar empresas como IKEA ou Leroy Merlin.
