Abel Caballero acudiu este venres ao Consello de Administración da Autoridade Portuaria onde ofreceu a cooperación do Concello na defensa do Porto e onde instou á administración galega e estatal a "actuar inmediatamente" porque a marcha de Maersk a Marín "prexudica gravemente" a unha parte importante da economía de Vigo e Galicia.
Abel Caballero, de visita institucional este mércores na capital da provincia, avogou por mellorar a conectividade entre ambas urbes. O rexedor vigués reclama unha alternativa viaria sen peaxe entre Vigo e Pontevedra e defende que o tren sexa considerado como de proximidade, optando as subvencións estatais.
O alcalde vigués e presidente da FEMP reclama do Ministerio dirixido por Cristóbal Montoro que o aforro dos municipios no 2015 -5.000 millóns en total, 22 no caso de Vigo- poidan ser gastados por estes ao longo do presente ano. A próxima semana, na Comisión Nacional de Administración Local, Caballero proporá a Facenda distintos mecanismos que o faga posible.
O rexedor vigués visitou o concello pontevedrés este martes para manter unha xuntanza co seu alcalde, Alberto Varela Paz, e iniciar unha etapa "de moita relación" entre os dous municipios. Caballero e Varela acordaron establecer un grupo de traballo para resolver o problema de transporte entre as dúas cidades polo custo que supón para a cidadanía que se despraza entre ambas e para a posta en común da política social.
O alcalde considera que o traslado da actividade da armadora danesa ao porto de Marín é "o golpe máis forte que recibiu o porto de Vigo na súa historia", polo que lle propón ao presidente da Autoridade Portuaria que convoque ao Consello de Administración e urxe á Xunta e ao Ministerio a que actúen.
O intercambio de experiencias e o traballo conxunto das urbes para mellorar a vida da súa cidadanía é un dos obxectivos da Rede de Cidades Intelixentes da que Vigo entra a formar parte e que ten especial preocupación pola xestións sostible e eficiente.
O alcalde felicitouse esta mañá pola aprobación na Xunta de Goberno da modificación de Lei de Área Metropolitana que abrirá "unha etapa nova neste territorio". En todo caso, o goberno local tamén quixo deixar constancia das emendas que lle gustaría se incluiran no texto, especialmente, que Vigo sexa tratada como capital de provincia no tocante á dotación de servizos.
Segundo informou Caballero, o goberno de Vigo aprobou convenios co Sárdoma CF (23.000 euros), o Club Balonmán Seis do Nadal (30.000 euros), o Halcones (15.000 euros) e co Vigo Rugby (28.000 €), ademais doutro acordo coa Rede de Mulleres Veciñais contra os Malos Tratos para apoiar a contratación de catro profesionais con 41.000 euros.
Este venres da comezo a ruta entre Vigo e Boloña operada por Ryanair, aeroliña que tamén arranca este domingo a conexión viguesa con Dublín. Ademais, o alcalde salientou que Peinador ten pechados directos con Londres, Lisboa, Bruxelas, Roma, Milán e Edimburgo, un "ámbito de voos internacionais certamente importante".
A lectura do Bando da Reconquista celébrase o próximo luns día 28 de marzo na praza da Independencia e coa elección da presidenta de Deputación, o goberno local quere "recoñecer a súa dedicación á cidade" xa que, segundo o alcalde, "é a primeira vez na historia da urbe que o ente provincial atende a Vigo" coa sinatura dun "convenio de alcance infinito" que achega á cidadanía os recursos que lle corresponden.