mércores, 21 dec 2016
Abel Caballero asistiu este mércores no Concello da Coruña á descuberta do retrato oficial do ex alcalde Francisco Vázquez a quen considera "un modelo na forma de entender as alcaldías e as administracións locais e, seguramente, o mellor alcalde da democracia en España". Para o rexedor de Vigo, Vázquez "marcou a forma de entender o municipalismo", polo que dixo sentirse "satisfeito" de acudir a esta "homenaxe debida" a un referente na política municipal "de España e de Europa". <br />
mércores, 21 dec 2016
O alcalde e o seu homólogo coruñés mantiveron este mércores en María Pita unha entrevista de cortesía na que trataron sobre as áreas metropolitanas e o proceso desenvolvido por Vigo para constituír a súa. Ademais falaron do "momento de revolución municipalista" que impulsa Caballero dende a FEMP, con avances en política social como a prohibición dos cortes de enerxía ás familias por razóns de pobreza, o problema do teito de gasto "en vías de se resolver" ou a posibilidade de que os municipios empreguen o superávit que "levaremos adiante", segundo expuxo o rexedor olívico. <br />
martes, 20 dec 2016
No nome de todos os Gobernos Locais españois, o alcalde de Vigo e presidente da FEMP trasladou a súa solidariedade ás familias e ao pobo alemán "ferido por este acto de barbarie inexplicable". As bandeiras do Concello ondean a media hasta.
xoves, 15 dec 2016
O rexedor iniciará mañá con expertos ferroviarios de UXT a rolda de contactos con axentes sociais para fixar a posición da cidade en defensa do AVE. Anunciou que lle enviou unha carta ao ministro de Fomento esixíndolle que retome inmediatamente a declaración de impacto ambiental.
xoves, 15 dec 2016
O rexedor acompañará ao ex alcalde da Coruña Francisco Vázquez no descubrimento dun cadro que homenaxeará a súa traxectoria ao fronte do Goberno local de A Coruña en dependencias municipais Antes, Caballero manterá un encontro de cortesía con actual rexedor, Xulio Ferreiro.
martes, 13 dec 2016
Logo da reunión do Padroado desta mañá, o alcalde informou da aprobación do plan de actuación da entidade para o vindeiro ano que inclúe unha análise da economía, o I+D, o naval e a pesca como claves do desenvolvemento de Vigo.
luns, 5 dec 2016
Bando da pregoeira e discurso do alcalde
luns, 5 dec 2016
Abel Caballero valorou os orzamentos autonómicos como o "maior abandono de Vigo que se fixo nunca na historia" sen partidas destinadas aos accesos dende Bos Aires á autopista, á Cidade do Transporte, ao Estadio de Balaídos ou á Área Metropolitana.
venres, 2 dec 2016
Abel Caballero reuniuse este venres con traballadores do Comité de Empresa e co responsable de Recursos Humanos de Borgwarner con quen se comprometeu a analizar a opción de ampliar as prazas de aparcamento dispoñible para o persoal da mesma, así como a estudar o establecemento dunha parada do transporte urbano na contorna da factoría nos horarios de entrada e saída do persoal. O alcalde puxo en valor a capacidade empresarial da multinacional que ten, dixo, un cento de empregados de alto valor engadido e que desenvolve proxectos de I+D aplicados ao automóbil.
xoves, 24 nov 2016
O alcalde reiterou a necesidade de acceder e saír da cidade polo tramo final da autoestrada AP9 dende a rúa Buenos Aires para liberar o tráfico da zona urbana, un investimento que considera "perfectamente asumible", polo que esixe ao goberno autonómico que "se poña mans á obra".
