Preto de medio centenar de nenos e nenas de quinto e sexto de Primaria do Centro Plurilingüe Barreiro visitaron este martes a casa consistorial, dentro do programa "Visita o teu Concello". No salón de Plenos municipal foron recibidos e conversaron co alcalde de Vigo, quen salientou a "capacidade excepcional" amosada polos escolares na diálogo e nas preguntas formuladas.
Caballero avanzou que este xoves día 18 manterá un encontro co vicepresidente da Xunta para abordar o traslado da Cidade da Xustiza ao Hospital Xeral, unha proposta que a priori valora en positivo aínda que quere "estudala a fondo" e considera que "hai que darlle contido ao actual espazo porque non podemos desvestir esa zona".
Logo de manter un encontro con responsables da TAP, Caballero augurou o éxito da conexión con Lisboa que arrancará o próximo mes de xullo. Na súa opinión a decisión de esta aerolínea de escoller Peinador para operar coa capital lusa "pon de relieve a importancia de Vigo na xeración e recepción de visitantes".
O alcalde transmitiulle ao vicecónsul de Portugal en Galicia, Manuel Correia da Silva, a "inmensa vocación" de relación que ten a cidade con todo o país luso durante un encontro que mantiveron esta mañá na Alcaldía. No transcurso da reunión, Caballero ofreceulle "cooperación" na cesión de espazos públicos de cara á celebración en Vigo de actos e efemérides importantes en Portugal.
O alcalde reuniuse este mércores pola mañá coa directora do Centro, Victoria Besada, a quen lle ofreceu a cooperación do goberno local no seu labor de investigación mariña e de servizo ao sector pesqueiro e marítimo.
Este mércores, durante a presentación do VI Salón de Vehículo Clásico e de Época, que terá lugar este sábado e domingo no IFEVI, o alcalde saudou este evento "importantísimo" en Vigo, como "cidade do automóbil". A cita prevé reunir 600 vehículos clásicos, máis de cen expositores e unha ampla presenza de clubs e coleccionistas.
O rexedor criticou este martes as declaracións realizadas polo seu homólogo de Oporto, contrario á próxima implantación da ruta aérea entre Vigo e Lisboa, porque "van contra o libre mercado e ameazan seriamente a unha empresa" e pídelle á ministra Ana Pastor que actúe ante a Unión Europea contra esta agresión á cidade.
<br /> Abel Caballero recibiu este luns a unha representación do equipo da Universidade de Vigo que a temporada pasada deseñou un monopraza para a competición universitaria de Fórmula 1 e apuntou a conveniencia de que se "reforce o proxecto ampliando a presenza de empresas e institucións".
O goberno municipal deu lectura este mércores a un comunicado de apoio a Carmela Silva no que denuncia os "insultos vergonzosos, intolerables e machistas" que recibiu a primeira tenente de alcalde e presidenta da Deputación por parte do tenente de alcalde de Moraña, Jorge Caldas, polo que lle "esixe" ao presidente da Xunta que o cese no seu cargo institucional "hoxe mesmo".
Abel Caballero inaugurou este luns a exposición "Mestres da Arte Viguesa", unha nova edición da iniciativa cultural Mostrarte que celebra os seus oito anos cunha proposta pictórica singular, reunindo obras dos principais artistas vinculados con Vigo, os máis representantivos e influentes do último século, como son Laxeiro, Lodeiro, Quesada, Solveira e Pulido, entre outros. <br />