O alcalde achegouse esta mañá ao Peirao de Trasatlánticos para participar na botadura dunha plataforma flotante que xera enerxía eléctrica a partir das mareas e das correntes mariñas. Durante o acto, Caballero felicitou aos promotores dun proxecto que "enche de orgullo" a toda a cidade.
Abel Caballero convocará o pleno de Zona Franca para aprobar os convenios da Cidade do Mar o próximo martes 25 de abril, ás 19,00 h. Así llo transmitiu persoalmente esta mañá ao reitor da Universidade co que mantivo unha reunión esta mesma mañá na Alcaldía.
A Xunta de Goberno Local deu luz verde ao convenio coa Rede de Mulleres Veciñais contra os Malos Tratos, 45.500 euros de achega municipal para contratar a catro profesionais no acompañamento das mulleres, reinserción, a formación en xénero e concienciación social. Este acordo forma parte do Plan de Emprego do Concello, que ascende este ano a 5,5 millóns de euros.
Na súa intervención no Foro de debate "La España necesaria", reclamou para os gobernos locais o uso do superávit xerado nas súas contas de anteriores exercicios e pediu "recoñecemento" para a Administración máis eficaz. Reivindicou que os concellos son a administración que mellor se adaptou á modernidade porque "a cidadanía atopa o seu espazo nas cidades".
A Xunta de Goberno deu luz verde á proposta de rehabilitar o Pazo Raposeira e convertelo nun centro de orientación sociolaboral e formativa, a través de fondos europeos. Con ese obxectivo, aprobouse o proxecto VIGO ACOLLE -cun orzamento de 3,2 millóns de euros- no que participarán Deputación de Pontevedra e Universidade, baixo a coordinación municipal.
O alcalde criticou esta mañá ao ministro de Fomento e ao presidente da Xunta falar das obras do AVE a Galicia sen referirse á conexión con Vigo. Avanzou que lle enviará a Íñigo de la Serna a "segunda e última" carta con esta reclamación e que, a partir de aí, a cidade iniciará "as súas accións para facer oír a súa voz".
Abel Caballero comprometeuse a defender desde a FEMP as demandas destes municipios e destacou a necesidade de impulsar a actividade termal pra asentar poboación en nos pequenos municipais. Máis de medio centenar de alcaldes analizan hoxe e mañá o presente e o futuro do termalismo en Caldas de Reis.
O alcalde de Vigo e presidente da Federación Española de Municipios e Provincias (FEMP) indicou este venres que solicitarán aos grupos parlamentarios no Congreso que se cambie o orzamento do Estado neste asunto. Caballero explicou que as cidades queren poder investir os 7.100 millóns aforrados no 2016, solicitude que o Goberno de España nega "de forma incomprensible".
Abel Caballero confía en que todas as forzas políticas da FEMP apoien unha declaración conxunta para demandar ao Executivo a posibilidade de reinvestir os 7.000 millóns de euros que aforraron as entidades locais en 2016. Con tal obxectivo, convocou o xoves 6 de abril unha Xunta de Goberno da Federación.
O presidente da FEMP reiterou esta mañá a petición de que as corporacións locais poidan investir o seu superávit en 2017, situado en 7.000 millóns aproximadamente. Resaltou que é a eficiencia dos concellos e das deputacións é a que permitiu que España cumprira os requisitos de déficit impostos dese Europa.