O rexedor mantivo unha xuntanza con Ramiro Rodríguez Bausero na Alcaldía na que acordaron cooperar no fomento da cultura de Uruguai na cidade. En agosto o consulado organizará unha batukada que atraerá persoas de toda Galicia e España, cun desfile desde o Paseo Alfonso ata a Porta do Sol. "Asumo con entusiasmo a colaboración", manifestou o alcalde.
O alcalde di que “facilitará ao máximo” a utilización dos voos de Vigo desde Lavacolla durante a obra de remodelación da pista que acometerá Aena o próximo ano.
O alcalde avanzou que as reservas para a platea do Auditorio de Castrelos quedarán a disposición do público, de forma presencial e na web www.vigoenfestas.com, este venres 21 de xullo.
O primeiro edil vigués recibiu hoxe a Miquel Molins (Presidente da Fundación Banco Sabadell); Adolfo García (Director institucional) e a Pablo Junceda (Dirextor Xeral de Sabadell Gallego). Nesta visita os responsables da Fundación Sabadell trasladáronlle o rexedor que se realizará o acto de entrega do "Premio Nacional a la Sostenibilidade Mariña 2023" na cidade de Vigo o vindeiro 15 de novembro de 2023. Na súa II edición quere recalcar o seu compromiso co apoio e o fomento á formación e a investigación neste ámbito.
O alcalde e o embaixador de Austria, Enno Drofenik, mantiveron una xuntanza de cortesía na Alcaldía. Ambos os dirixentes puxeron en común cuestións relevantes como a cultura: "Viena é referente no ámbito cultural e da música. Tivemos a idea de facer cooperación neste ámbito, tamén con Francia e Irlanda, co obxectivo de estar na cooperación da música de distintos países", expresou Caballero.
Como avanzou Abel Caballero tras a aprobación do convenio en Xunta de Goberno Local, será o Concello quen execute as obras e o novo titular do tramo unha vez rematadas as mesmas. O Ministerio xa está redactando o proxecto correspondente para adaptar as súas características ao ámbito urbano no que se sitúa.
O Pazo de Castrelos foi o escenario da benvida aos ministros e ministras de Pesca e Agricultura da Unión Europea. Vigo é durante este luns e o martes 18 de xullo a sede da xuntanza de Pesca dentro da presidencia española do Consello da Unión Europea. Abel Caballero recibiu aos mandatarios que traballarán estes días nas políticas do sector pesqueiro da UE, centrados principalmente na descarbonización do sector e a innovación. O alcalde trasladoulles o bo facer de Vigo neste ámbito e puxo de manifesto ante os ministros e ministras o seu apoio ás medidas pesqueiras sempre que sexan avaladas pola ciencia: "Quero citar a decisión sobre a pesca en augas profundas da UE, que non comparto". Caballero invitou aos asistentes a gozar da cidade: "Estades na mellor cidade do mundo", expresou ao final do seu discurso.
O alcalde acompañou ao ministro de Sanidade, José Miñones, á praza de Vialia para que coñeza este novo espazo para a promoción da actividade física. Ambos os mandatarios apostaron por esta “forma de vivir e estar nas cidades”.
Abel Caballero mantivo un encontro este luns coa Irmá Maior da Confraría do Santísimo Cristo da Victoria, Marora Martín-Caloto e coa Xunta Permanente, para analizar e preparar “todo o relativo á procesión” que se celebrará o vindeiro domingo, 6 de agosto, ás 19:30 horas da tarde. O percorrido, con saída desde a Basílica-Concatedral, a atención das persoas voluntarias, a presenza policial e a participación de tódalas confrarías foron algúns dos temas tratados na reunión.
Abel Caballero e Marco Antonio Gonzáles Menéndez mantiveron este xoves a súa primeira entrevista, logo da súa incorporación ao Corpo Diplomático da cidade, en representación da comunidade peruana que é "importantísima" en Vigo. O rexedor trasladoulle o apoio municipal no labor que desenvolve o Consultado e, entre outros asuntos, abordaron a presentación que organizan no Pazo de Castrelos para presentar o proxecto de traballo de cara aos próximos anos.