Caballero compromete o seu apoio ao PERTE do Naval na inauguración de Navalia
O alcalde acudiu á inauguración da Feira Internacional Navalia que converte á cidade de Vigo no epicentro do sector naval coa chegada de empresas e comerciais de máis de 75 países. Abel Caballero comprometeu seguir no apoio a esta actividade produtiva a través do PERTE que está a desenvolver o Goberno de España cos fondos europeos Next Generation EU. "Somos empresa, economía, emprego e produción... É o noso ADN". Amais, o rexedor afirmou que "a Xunta ten a man tendida para todo aquilo que sexa cooperación, son alcalde de Vigo, débome á cidade e o mellor é marchar na senda da construción". Caballero relatou que o naval "é o corazón de Vigo", onde comezou o proceso industrial na cidade. Deste xeito, pola súa historia e importancia ao día de hoxe, louvou á directiva de Navalia por seguir adiante coa feira e amosar ao resto de mundo que Vigo ten unha gran industria.
