sábado, 25 maio 2024

O Concello decreta dous días de loito oficial polo falecemento dun bombeiro en acto de servizo

O alcalde vén de trasladar o pésame á familia e amizades do bombeiro que perdeu a vida este sábado nun accidente laboral ao derrubarse parte da cuberta no exterior do edificio no que se atopaba prestando servizo. A cidade estará de loito oficial este sábado e mañá domingo e as bandeiras ondearán a media hasta en sinal de dor polo pasamento deste traballador municipal. O Concello amosa o seu recoñecemento a todo o corpo de bombeiros de Vigo polo labor que desenvolven cada día. O alcalde e o goberno municipal suspenden este sábado a súa axenda pública.

Nova ruta didáctica pola ría no programa de avellentamento activo "Vigo, cidade amiga dos maiores"

sábado, 25 mai 2024

O alcalde saudou este venres aos participantes na viaxe pola ría de Vigo a bordo da embarcación "Nautilus", integrada no programa municipal de avellantamento activo "Vigo, cidade amiga dos maiores". O programa está pensado para descubrir a riqueza dos fondos mariños a través das imaxes captadas na inmersión do dron submarino "Nemo", e das explicacións dos monitores especializados. Cada semana ábrese o prazo para anotarse ás viaxes da semana seguinte. Os interesados poden chamar aos números 600854260 e 649493797, da adxudicataria "Ocean Secrets", ou a través do servizo de información 010. Neste programa participarán 2.600 maiores de Vigo.