O Concello decreta dous días de loito oficial polo falecemento dun bombeiro en acto de servizo
O alcalde vén de trasladar o pésame á familia e amizades do bombeiro que perdeu a vida este sábado nun accidente laboral ao derrubarse parte da cuberta no exterior do edificio no que se atopaba prestando servizo. A cidade estará de loito oficial este sábado e mañá domingo e as bandeiras ondearán a media hasta en sinal de dor polo pasamento deste traballador municipal. O Concello amosa o seu recoñecemento a todo o corpo de bombeiros de Vigo polo labor que desenvolven cada día. O alcalde e o goberno municipal suspenden este sábado a súa axenda pública.
![](https://xornal.vigo.org/storage/images/opt/7ma3ND7Bc1QtB6LrEOTv2g2llosbg3ER9VauO9f1.jpeg)